in mason tout neuf

in 1948 mes parints y z'ont déménagés du 12 ed' Lens au 12 bis ed' Lens , din mason ed'coron in sa artrouvé din un bieau pavillon ed' deux masons avec un étache , un bieau et grand grenier , et in caf , din l'cuisine qu'yétot bin grante avec un placard ed' chaque coté d'el cuisinière, yavot in grante farniètre, ech'salon yétot séparé par in porte vitrée à 3 battants et la yavot un tiot convecteur, avec el cuisinière quand cha cauffot ed'trop in ouvrot l'porte d'ech'couloir cha cauffot un tiot peu l'étache

el cuisinière al faijot partie d'el mason quand in est arrivé , tout équipée avec réserf d'ieau et départ d'el tuyautrie pour invoyer l'ieau caute al salle de bain , mais cha n'allot pas plus loin qu'ech'départ
pour el salle de bain , yavot in ballon horizontal pindu ach'mur, d'in centaine ed'lites, yavot bin sur in baignoire mais si mes souvenirs sont bons yavot seulemint l'ieau froite
ché grammint plus tard qu'min père ya installé l'ieau caute

el bon souvenir qu'j'ai dé ch'te baignoire , ché en'din qu'm'mère al lavot chés sacs ed'moules qu'al avot acatés , chétot des sacs in jute comme ceusses à pétotes, et comme in étot à 10 al maison y n'din fallot grammint , et chétot un sacré boulot passe que chés moules y s'étotent, comme quand y s'avottent été cueillies , très sales

em'mère al étot ployée un deux un bon bout ed' temps pour nettier tout cha
et yavot personne pour y donner un coup d'main pisse qu'in étot soit au boulot (fosse) pour min père et min frère, usine à roubaix pour mes deux soeurs , et pour nous l'école
du coup j'su mat in verra la suite ed' ,,,,,,,,,,main

zallez dire que j' radote, mais ché vraimint quéquosse qui m avo vraimint véxé quand que j' la su et en ache d' comprinte

l' mason du qu in éto yavo eune sal' d' bains à l étache, pasque chéto un commissaire qui habito là avant mes parints

quand qui a parti , ché min père qui a eu l' mason mais comme qui n éto pas cadre ou ingénieur, i zont artiré ché volets , pi artiré l' pergola qui yavo sul' coté del mason, défait ché grilles qui yavo sur chaque farniete au rez d' chaussée, et l' pire pour mi cha a été qui zont artiré l' salle d' bain qu ale éto à l étache

ché pour cha qu in avo à l étache 2 grantes champes et bin sur au miyeu eune tchiote champe pour un lit individuel, chéto l'ancienne salle d' bains ...

d' ailleurs cha m avo intrigué d' vire au d' sus d' el tiete d' min lit , eune espèce d' tuyau qui monto au 3/4 del hauteur, que chéto bouché in haut par eune sorte d écrou

2 poids 2 m'sures, chéto en 1949 , et in a eu eune salle d' bains qu en 1978 ................

ech voudro deminder à minloute queque cosse qui me turlipine, té dis que t'habito au coin del rue Leverrier à gauche in rintrant din l'rue el première maison, ech su allé un jour avec eme grand mère rinde visite à des gins qui habitotent la , chéto mr et mme abbé ou habé je m'souviens plus trés bien chéto un géomètre aux mines ech parle ed cha chéto din les années 40 si je souviens bien el mère ed mr Abbé elle habito rue Raymond Deruy a coté de chez nous a coté de Mr Bierlair si minloute y pouvo in dire plus cha sro bin

nan, mes parints sont arrivés là en 1949 , en fait que cha a meme du et' bizarre pour m' mère
pasque m' mère ale a quitté la rue d' la poste du qui zhabitotent dans un tchiot log'mint, la rue de la poste ch est la rue Camille Chrétien, à coté d' l hotel de ville

mes parints i zhabitotent là al' premiere mason su la gauche asteure abattue .....

donc m'mère ale a quitté l' mason pour eune bonne cause , chéto pour intrer al' maternité ,et quand qu ale in a sorti , ale a v'nu directemint dans l' mason qui fait ch' coin à gauche d' la rue leverrier quand qu in rente

cha a été not' mason "familiale" pendant près d' 61 ans ......

pour arvenir ach'te mason tout neuf et ch'te salle de bain sans ieau caute , din ch'te pièche yavot in bouche d'égout et quand in l'soulevot, pas d'sous chétot un puisard pour récolter tous chés z'ieaux usées
et comme yavot pas ed' tout à l'égout , bin cha allot din un puisard din ch'gardin "un tros à fond perdu" à in vingtaine ed' mêtes plus long

el machine à laver "à l'huile ed' queute" al étot posée juste pas d'seur , s'qui fait qu'yavot moins d'ieau à ramasser , et chétot pratique aussi, comme el maison al étot lavée à grante d'ieau , "et au savon noir" , yavot, qu'al pousser avec ech'balai jusqu'a ch'l'égout
"quand j'dis yavot qu'a l'pousser" ché seulemint in manière ed' parler