al' la pas argretté

in habito l' long del rue nationale, ché pour cha qu' mes parints y zont pu profité del' fibre optique pi surtout d' l arrivée du gaz

alors là ch' gaz, m'mère ale dijo j' sais pas combien d' coups à min père, "ah j' va pas l argretter ch' fourneau ah bin non non...."

fini l' crainte au matin si ch' fu i s éto éteint ou si i éto moribond, qui fallo armette du papier , du tchiot bois, attinte un tchiot peu , pi commincher à mette des tchiots morciaux d' carbon

avec ch' fu qui ardémarro pas du premier coup, que cha faijo del finquée dins l' mason , in éto transformé en hareng saur, m' mère al' ralo pour ch' linche qui essayo d' séquir dans l' cuisine," cha y est j' peux tout arcommincher i va sintir l' finquée"

sans parler des corvées d ayonner ch' fu, d aller querre ch' carbon , d artirer ché chintes , d' les vider dins l' lessiveusse espéciale au bord du gardin , tout cha par tous les temps , qui drache ou qui gèle à pierre fende ....

sans compter qu' min père qui avo eune gampe raite, chéto tout eune histoire quand qui devo ayonner ché convecteurs à carbon qui étotent dans l' salon et dans l' pieche d' devant, i préféro souvint s allonger à terre pour incrinquer ch' crochet qu il avo , tout cha pour armuer l' grile et faire querre ché chintes

nan nan, pas d'regrets, pi comme dijo m' mère, chéto deux fos moins sale, à peine que t avo passé l' chiffon que l' lend'main té pouvo arcommincher

ravisse Léonce, ravisse l' couleur d' ché tuyaux, dire que j'les za fait y a deux jurs ...

nan nan, m' mère ale éto cor assez moderne, ale a vite apprécié l' gaziniere, meme si au début ale a eu des craintes, ouais ale craigno que pour un plat, et mi aussi d ailleurs, chéto pour ch' bouillon

bin nan , ale a réussi al' faire mijoter comme si chéto such' fourniau .......

faut dire quand meme au début chéto "stressant" pasque si m' mère ale arrivo pas à alleumer l' gasse avec l alleumette, ale éteigno tout et ale ouvro ché farnietes d' peur que ch' gasse i s inflame et qu' cha fasse tout exploser dins l' mason


l arrivée d' la gaziniere, avec en plus l' chaudiere au gasse qui l accompagno chéto vraimint l' confort al' mason et la fin des corvées

depuis la fin des années 70, j a vu arriver al' mason ch' frigidaire qui a remplacé ch' garte manger qui éto al' caffe

pi l' poste d' télévision noir et blanc ...

pi l'machine à laver le linche, avec l' tchiote essoreusse qui allo avec .... la fin des buées qui comminchotent sur ch' fourniau la veille au soir ...

j a vu arriver l' salle d' bains avec ché rénovations ...

l' téléphone à cadran chéto en 1978 ou 1979...


le congélateur qui éto li dans l ancienne barraque au bois ...

et j' finis bin sur avec l' gaziniere et l' chaudiere ...

c' qu aujourd hui ch est "acquis" , ché d eune banalité ...... mais tous ché zéléments là quand qui sont arrivés al' mason, in les a accueilli "avec respect", in sachant l' progrès et surtout la facilité , le confort , que la modernité allo apporter à not' quotidien ....

à méditer mes gins

t'a raison sur toute la ligne minloute. El génération 1940 à 1960 (environ) al a eu einne chance inouïe : in est passé du moyen âge au 20è siècle in découvrant toutes chés inventions qui ont amené el bonheur din ché maisons (électroménager, etc..etc..)
Mais à chaque arrivée d'in nouviau "machin" à nous mason, in a pu l'apprécier sur toute la ligne passque on avo connu la vie avant sans tout ché trucs là.
Ech cro que ché la découverte peu à peu de tous articles d'électoménager et autres qui font notte forche par rapport à l'jeunesse actuelle. Quand té leur raconte qu"in n'avo pas l'téléphone (par exemple) i t'ravissent avec un air de t'demander si té pas maboule ou si té n'radote pas avant l'heure.

ché m'grantt soeur qu'al étot mariée qu'al a donné ess gaziniére am' mére pasque al n'avot acaté eunne avec 4 bruleurs et l'vielle avec 2 bruleurs al l'iavot donnée.
Manman, al ne se n'a jamais servi , al avot peur ed cha, même l'boutelle ed gaz , al l'a pas voulu dins l'cuisine , min pére y'a du faire un trou dinch'mur pour passer ch'tuyau et l'boutelle al étot dins l'baraque , ché pour vous dire l' troulle qu'al avot!