em' première télé (el publicité-papier 4)
par jpp le, 12/03/2012Min père i laisso souvin em' mère printe ché initiatives mais quan i décido quette cosse chéto tout d'suite. Ech devo avoir 7 ou 8 ans, vers 1953-54, min père i dit din seul coup "ech min va acater einne télé". Evidemment que personne i ne l'a cru vu que personne i avo cor de télé din l'quartier. In allo l'raviser au soir al vitrine de Paul Chalmin à 3 ou 400 m del maison.
Bin si si que min père i est allé acater une télé à mon d'sin camaratte Robert Obron qui resto in haut de l'rue Anatole France. Et pour nous prouver qu'il l'avo acatée, il est arvénu avec ech l'antenne sur esse n'épaule.
Alors la cha a été l'boulversement à l'maison et din ch'quartier passque que tous nos camarattes i vénote raviser. J'vous mets l'photo de buvard de Robert Obron mais je n'peux pas vous parler d'li j'in sais rien
( 1 photos)