in y va pu
par minloute le, 12/03/2012j a fait un artique y a queques jurs sur ch' monumint aux morts d' bruay, intutilé "in les vo pu"
si vous voulez des détals sur la mise en place de ch' monumint à bruay , faut buquer " memoiresdepierre" et zallez querre sur un site haut'mint espécialisé sur tous ché monumints aux morts du pas d' calais entre autres
mais arvenons à nos moutonsses, comme auro dit Fernandel dans l'flime Topaze...
là ja intitulé cha "in y va pu" , j a lu taleure un extrait d artique sur la voix du nord édition d'Bruay
yavo un artique sur un bruaysien qui s' lamento sur l' devenir d' l églisse saint martin à Bruay
parait qui hésito entre pigeonnier ...et piscine ...
pigeonnier , pasque ché coulons i peuvent rintrer faire leu nids
piscine...pasque parait que quand qui pleut y a d' l' io qui qué au miyeu du choeur
qu in so pratiquant ou pas, j' parle pour ché anciens, in auro jamais cru in arriver là y a cor eune cinquantaine d années...
pour l enter'mint d' mon mononque , chéto des laics, des charitapes qui ont pris en main l'déroul'mint d' la messe, parait qui a pu d' pretres su Bruay ...
dire qui a eu un sacré paquet d' curés qui s'sont succédés ichi, dont ch' dernier j' cro bin que chéto l' Abbé Mille , qui a parti en mason d' retraite y a quequ' mos, et y éto pu tout jone ...
ché cor eune page qui s' tourne, dire qui a quequ' décennies, yavo des messes l' samedi soir, l' diminche tot, pi l' diminche à 11 h sans parler pour ché plus anciens , des vépres .......
autre temps, autres moeurs qu in dit , ché sur , désinteret des jones à ché pratiques là, vieillis'mint d' la population, qu in so , qu in a été, ou qu in a jamais été pratiquant, cha interpelle quand meme ch' t affaire là ....
t'es sais bien que note religion si in te mets in gnon t'es tinds l'aute joue, cha ne va pus.
j'vos la religion comme du temps des templiers et des croisades où chés gins chétot des guerriers.
quand ch'pape ne dit rien sur les massacres d'chrétiens, ché gins i ont été évangélisés ché bien, mais pas défindus cha ché pas bien, ché pas normal
la religion catho cha va pu , subir nan in ne veut pu d'cha .
chés curés d'acht''heure sont très prés d'chés gins, i n'ont pus rien à vire avec ceux qu'in a connus.
chés des supers mecs mais nous in ne suit pus.
quand la religion est obligatoire et que t'es vas in prichon si t'es ne l'respecte pas j'cros que ché pas cha non pus
in a connu cha pour avoir un logemint fallot aller à l'églisse. acht'heure in vind chés églisses la religion disparait comme chés fosses
in l'a gros sur la patate mais in ne bouge pas pour autant
quand ej sus allé à l'interremint du mari d'eune de mes cousine i a quatre ans à l'églisse Saint Martin i avo pas d' curé, juste deux garnoules qui parlotent et qui cantotent comme ej l'ai mis dins un sujet précédent j'em sus indormi.
à l'heure ou j' mets l'sujet j'arviens d'l'interremint d'em voisine d' palier, la nan pus pas d'curé.
3 garnoules et un bonhomme.
mais s' qui m'a l' plusse choqué ché qu'eune des trois une jone qui cantot étot habillée avec eune lonque rope bleue qui quéyot jusqu'in bas d'ses gampes genre hippie.
in aurot dit eune personne qui sortot tout droit d'eune représentation d' clown.
j'in dirait pas plusse. bien que n'étant pas trop croyant j'estime quand même qui faut avoir une certaine décence vestimentaire pour ce genre de cérémonie.