pluquer
par MINLOUTE le, 19/03/2012normal'mint "pluquer" cha veut dire minger peu, manger sans appétit
al' mason in l employo dans l' sens d' picorer , mais picorer ché pas forchémint peu minger
mi j éto un pluqueux dans l' sins que si in me d'mindo d' aller querre al' caffe ch' porte boutele du qui yavo ch' vin blanc, ch' vin rouche et l'boutele d io, cha m arrivo...
plus souvint qu à min tour ....d' "pluquer" dins ché plats qui étotent al' caffe
savez qu avant qu in a eu ch' frigo in avo ch' garte manger dins l' caffe
chéto comme eune tchiote armoire in bo, ou plutot un chassis in bo avec eune porte qui freumo avec un verrou , et tout cha arcouvert par un grillache à poule
que vous dire ....quand qui yavo l' terrine du qui yavo ch' paté d' lapin, j' soul'vo l' plus discret'mint possipe ch' couverque et j' "pluquo" un morciau, un morciau d' lard bin sur, pour pas laisser d' traces d oches d' lapin al' caffe
in plus fallo pas trop trainer, donc fallo vite ouvrer l' couverque , choisir un morciau pas trop gros, mais in éto pas raissonnape , y a des momints qu in avo l' bouque complet'mint pleine, et qu in éto au bord d' l apoplesquie
ouais fallo vite minger, pour vite armonter , et passer d' vant ché parints qui étotent in haut sans qui s' doute d' quéquosse .........
y a des coups ch' morciau y éto tel'mint gros qu en avalant cha vite fait , in avo ché zius qui sortotent presque del tiete ........
min père i devo s in douter, pasque quand que j' déchindo al' caffe i dijo "té f'ra comme i me d'mindo min père, té va siffler tout l' temps qu' té pas armonté " ........
j a arpensé à cha taleure, vu que j a "pluqué" dinch' frigo, i resto du lachiparmentier frod
oh vinguette, parel, "téléportation" ,j' me su artrouvé vers mes 10 ans, au fond del caffe, en train d' soulever ch' couverque pour i printe d' quo rimplir la bouque d un honnete homme ...
faut dire aussi, mais ché ch est min avis personnel, le lachis ché cor meilleux quand qui a cuit eune premiere fo, et qu on l arminche aprés, mais frod ....
ouais mi ch' préfére arminger le lachiparmentier frod avec eune tchiote salate avec, et eune pinte bin sur ...mais cha , chéto meme pas la peine d' el préciser ...
meme effet "teleportation" ichi , ej m'as arvue à 10 ans in train d'pluquer ech'roti d'porc dinch'garde minger..
par Boxerman le, 20/03/2012Pluquer est toujours employé couramment chez nos amis Belges.