souvenirs quand tu nous tiens !...

Bonjour a tertous ed Bretagne.
Pour tous vous dire cha fait deux jours qui pleut ichi, ya pas moyen d'allez din min gardin, incor inne chance qué j'ai pu mette mes échalotes ya inne paire ed jour ed cha.
Mais el probleme ye pas la comme ej pouvot rien faire al cour j'ai ravise tous cheu qu'yavot ed'su l'site eh bin mes gins, yin a des histoires, des anecdotes, des souvenirs, j'in est pris plein les yeux.

Un grand merci à toutes ché memoires vivantes, qui s'écriffe ed' su l'site. J'y ye arvu em mn'enfance au 3 din l'rue Dunkerque em mn'ecole Félix-Faure, chez magasins du 3 chez figures vivantes comme ech'tiot Marcel, avec esse carette j'cros meme qui yetot pinrinté avec em voisine Gustine Legay cha chetot inne brave fimme j'avot toudis min carambar avec un DH quej fesot collection.

Ha ech tiot marcel quand em mère et li versot inne bistoulle y rigollot toudis, il habitot à cote dem oncle anteck kolu din l'rue d'bone et pis yavot grand-pere fendelair y m'invoyot cair inne boutelle ed vin, du RUBIAL boutelle etoile, ej m'in rapelle incor et pour cha imme donnot 20centimes qué j'allos depinse chez georgette pour aquatte des bonbons.
Yavot aussi ch'garde el grand mackowiack avec esse mobylette grise il ouvrot el l'io pour qu'chez fimmes du coron y nettoite ech gulot, cheto un camaratte a min pere mais y faisot peur quand meme ech garde.

Et question amusemint in n'etot pas sans avenir, avec un rien in s'amusot in juot al' torcanne (inne toupis in buis qu'in lancot avec un lach' inne fichelle quoi), aux ossselets avec des cailloux, au maps avec des biscaillins qu'min pere y ramnot del fosse et pis el jeudi in allot al peque avec min camaratte boujou (jean-claude) a la biette in bas del rue des agaches, in allot ker des garnoulles et des salamantes et yavot un gros tuyau qui traversso ech petit ruissiau, in monto ed'sus et chetot note kolanta ed l'epoque in n'allo ker du lait al sinse a cote del boulangerie riska pas loin del plache martel cha sintot vraimin el sinse mais cha puot bon.

et pis toutes chez ducasses au 3 au 6 marmottan la gare etc... in etot toudis in fete.
in allot aves mes pinrins mingé des frites moules sous chés chapiteaux del ducasses.
Et pis l'diminche in allot ach café pres du cimetière du 3 j'marapelle pus el nom, min père allot faire ech concours ed combat ed coq, y perdot souvin chetot pas graffe in passot inne bonne apres midi.

Et ya sutout un truc a vous dire vous allez ptete em printe pour un maboul mais des fo j'in réffe incor d'elle, chetot grand-mere cado qui ténot un magasin d'in l'rue dessiligny chetot inne quinqualrie, mais grand-mere cado em fesot inne droule bleu pour mi cheto inne sorciere quant'y falot ker 200grammes ed clou chez grand-mere cado ej trouvo toudis inne escuse pour pas yallé tellemin q'javot peur d'elle.

Tous cha pour vous dire qué pendant 2 jours j'ai lu chez histoires et croyé meu cha fait du bin des fo j'ettot presqu'a brerre alors a tous ché gins qui mette des petites histoires et tous ché souvenirs j'vous dit merci et n'canger rin continué
mis j'vous dit ad puk et kenavo

Witoz erwin y fait mention d'une quincaillerie rue Desseligny à BRUAY. Daniel POQUET y m'a dit qui ressto un magasin d'in l'rue Leon Jouhau à Bruay. Faut aller sur google maps sur street view et vire au début d'el rue Léon jouhau y'a peut ête ch' magasin relaté par witoz. Daniel pourra confirmer cha.

J'en arviens ach' garte qui passo din ché rues, principalemint din el rue Dunkerque vu qu'ej resto dinl' rue Desselligny, i ouvro ché robinets à ché regards del rue, et l'iau al courot din ché ruchau, et pour prévenir ché femmes pour sortir avec lu balais, y clicaillo avec ess' clé sur ché déchintes ed gouttières.
chéto marrant pour nous, in raviso in rigolant, mais après ech' rucho y éto clair et net...
Ché loin toucha, 1942, j'avo 7 ans

cha ché un breton heureux , mi j'vas pas discuter d'bruay j'connos pas, et j'voudros bin discuter d'lens , mais chés noms j'm'arappelle pu
sinan cha m'fait marrer mi aussi quand j'arlis tout cha , même si j'connos pas , mais ché vrai qu'a part chés noms chés souvenirs sont parels , même jux, ché même tiots magasins , et j'lé arvos d'vant mi et pourtant ya d'cha,,,,,,,,,,,grammint d'z'ans, mais qu'chétot ch'bon temps

grand père Fendlair j'em rappelle bien d'li i devot rester rue d' François Calonne.
ech' café à côté du cimetière chéto à mo Ringot juste à côté d'el voyette pour aller rue d'Marles.

un tiote anecdote in passant.
quand i a vindu ch' café ché des jones qui on arprit l'affaire l'homme chéto un musicien un organiste avec sin bio frère batteur, des fos l' sam'di i avot bal.
ché la que j'ai fait connaissance d'eune garnoule d'un soir Christine D...
comme in éto pressé d' découvrir notre anatomie in a été faire la chosse dins l'cour.
faut dire qu'ej jour la j'éto pas clair.
je sais que cha va choquer certaines personnes mais j'avo 17 ans.
quand au tiot Marcel ej l'ai rincontré i a 3 ans à Bruay in a bu un verre insonne i dot avoir 72 ans.
cor un tiot souv'nir in passant in bas d'el coté des Agaches i avo un tiot bosquet avant d'arriver rue d'amont.
ché la qu'in allot parler d'l'av'nir l' soir avec ché garnoules quand in avot l'permission d' sortie.
dusse qui est passé ch'temps la!!!!

Biensur ech' tiot magasin y est toudis là, rue Jouhaux, à peu près in face del rue d'Alger, quand j'ai eb' soin d'en bricole, ché là qu'ech' va..
in plus el femme al est bien aimable, si en' trouve pas es' qu'in veut, al sorte sin catalogue, et al peut el commander, ché vraimint el seul qu'in trouff' ed tout au N°3, ech' diro même din Bruay...
J'en' parle pas del porte nord, cha ché à part...

En photo le magasin

ch'magasin ché à mo Trinelle.
ché s'file qui l'a arpris quand s'mère ale est morte.
ale vindot des clous au poids.
j'el connos bien ché t'eune copine

Pour faire réponse ach magasin chez Cadot qej vous pale, chetot un magasin qui faisot ech coin del rue desseilligny avec inne petite rue qui menot ach docteur ach dispensaire, asse teur ché l'rue Léon Jouhaux, chetot un magasin qui falo monter inne paire ed marche et j'ravisse google maps ej m’aperçois qu'ej magasin ya ete abattu comme beaucoup d'autes maisons

Bonjour Maurice
Si té veut in peut parler ed Lens si té veut car ej connot aussi un tchiot peu Lens pou yavoir ete à l'afpa à Liévin passer min deuxième cap ed tourneur
ech preno ej bus al gare routière et in n'intendint ej car j'allos em promener din Lens et j'allos bin sur à Bollaert tous cha che quand j'etot jeune
pour mi histoires de chtis che pas que Bruay, che aussi Lens, Annay sous Lens, Douai, Valenciennes et tous seus qui on attrait avec ech carbon
enfin chem vision alors tous chez gins du nord/pas de calais et d'ailleurs in France
vnez tous ed su l'site mi j'manque pas del faire connaite din min coin
ad puk et kenavo