cor la moitié d'un coron qui va ete rasé

l' cop passé not'ami Poquet Daniel m'avot dit qu'eune mason sur deux allot ete rasée rue d'Alger à Bruay.
in fait ché toutes ché masons coté impair qui vont ete démolies
ej l'ai su in phonant à m' cousine qui reste ale première porte pour compléter un sujet qu'ej devo mette sur HDC.
ale a d' la chance ale reste du coté pair.
soit disant qui vont faire un square.
si cha continue l'3 va ete rayé d' la carte. j'éxagère un peu mais va savoir !!!!

avec du r'cul, quand qu in vo l évolution ultrarapite d' l agglomération d' bruay ché assez édifiant ..

en peu d' décennies le tchiot villache aligné le long d' la lawe ya vu sin dev'lop'mint devenir tentaculaire pour v'nir arjointe haillicourt situé à vol d oiseau à plus d' tro kilometes du vieux bruay

des cités par chi, des cités par là, masons installées non autour d' l églisse et du cimétiere, mais autour des puits d' extraction pour que ché zouvriers so au plus près d' leur lieu d' traval ................

cité des musiciens, du transwaal, des électriciens, des aviateurs ....... église Saint Martin , chapelle Sainte Barbe, église Saint Joseph ...

Marché d' la gare, Marché place Marmottan.................

associations sportives, écoles , clupes, hopital, tous bénéficio directemint ou indirectemint des subventions qui veno d' la Compagnie des Mines ..


ducasses par quartier, grante braderie, longs corons par quartiers, sirènes qui retentissent vers midi.............

écoles , au pluriel, eune par quartier ...........

Comme un pneu dégonflé, tout douch'mint, au fil du temps, presque sans s in apercevoir vraimint in tout cas au début, in diro que Dame Nature ale arprind ses droits........

après s' ete développée presque à outrance, in diro que Bruay est en train d' s éclaircir, d' arverdir ........

soufflet économique qui s a effondré aussi vite qui avo pris , in tout cas à l' échelle du temps, as' deminder si la ville ale est pas en train d' es' recroqu'viller ...

ptete que dans cinquante ans, in aura abattu des quartiers entiers, pour arvenir à eune taille à nouviau plus en adéquation avec s' population

asteure Bruay ale est un peu décharnée, comme si ale avo un costume bin trop grand à porter ..........

à méditer