Les jardinsdans les traces d' min père
par MINLOUTE le, 23/03/2012eh m'man ravisse ...que j' dis am' mère ......
ale est en train d' tricoter al tape del cuisine ... un , deux , trois, ale s arrete , ale compte ché points del rangée sul aiguile avant d' passer à un aut' rang
d un coup am' ravisse, et j m' approche d'elle ,l' démarche pas trop rassurée, un peu comme si j' chausso pour la premiere fo, eune paire de skis ...
ché un peu cha d 'ailleurs, mi j' do avoir 6 ans et j a été querre les chaussons à min père qui l attindotent à coté dech' fauteul, pour qui puisse les mette en rintrant taleure ...
ché vrai j a du mau à avincher, mais m'mère ale rigole bin, cha m incourache à faire l' innochint ....
j' m accroche aux caelles pour pas querre...... dins m' tiete j' me dis qui a cor du ch'min pour rattraper min père, vinguette qui a d' grands panards.....
ché cha , li ché un papa, mi j' su cor un tchiot garchon, et dire qu un jur j' arriv'ra à les porter sans problème.....
ché toute la différence qu in peut vite mesurer entre ch'tiot gamin et sin père .....
ché aussi symbolique aussi, on rinte dans les chaussons d' sin père, in peu comme si on rintro dans son sillache, comme si in suivo....les traces d' sin père .........
