la trouée d'Arenberg

hier soir sur France 3 , j'ai ravisé la cordillére des chtis, j'ai bien aimé une phrase qu'avait dit Jean Stablinski in parlant de la trouée d'Arenberg, y'avot dit : Ej l'ai fait au dessus comme coureur et en dessous comme mineur, c'était plus dur en dessous....

j'el conno bien et pour cause.. em' garnoule est d'Haveluy.
sachez que j'em su jamais risqué d' faire un seul km à vélo sur ché pavés.
par conte dusse qu'em belle mère ale reste rue Paul Vaillant Couturier (on l'appelle l'long coron) à Haveluy, au bout d'sin gardin i a l'ligne d quémin d' fer désaffectée qui v'not d'el fosse d'Arenberg qui allot jusqu'à Denain, j'el préno d'ech' terril qui brule in core malgré qu'el fosse est freumée d' pis 1934 et aller m' prom'ner perdu dins mes pinsées jusqu'à l'étang et bifurquer à droite pour aller boire un verre au café d' min camarate Noël.

un cop (ej jour la ej devo ete plumé a m'tiête ou un lend'main d' guinse), ej l'ai fait in sens inverse ché à dire d'Haveluy pour aller vers Arenberg, j'em sus arteuvé sans l' vouloir au passache à niveau à Wallers. j'ai pas été pus loin. faut pas présumer d'ses forches,
pour aller cha été ej rincontro des gins in discutot, meme un taureau la j'ai passé min quémin vite fait.
comme in dit à Bruay min trop d'cul faisot 32. surtout qui m'ravisot d'in drôle d'eule.

l' pus pire cha été pour arvénir cha été dur dur surtout quand on a pas l'habitute d'marcher sur des traverses.
l'lend'main j'avo mes gampes in coton.
j'ai jamais arqueminché quoique aujourd'hui cha s'rot pus possipe la nature a arpris des droits on n' peut pus i accéder.
si j'avo poussé jusquà Arenberg malgré l'histoire qu'ej viens d' vous raconter date d' 4 t'rans ej cro que m' garnoule et mes bieaux parints i m'attindrotent cor pour l'apéro.

Ch'est vrai qu'les pavés dé l'trinquée d'Arinberg i sont bin biqueux ! In est bin alloté quaind in role padzeur in vélo mais i n'd'a qui sont parels dins l'voliciennos comme ceusses inter Persiau et Auno (pris pa Paris Roubaix)ocore inter Sautain et S'Bourg ocore el quémin du bos Dardenne à Saint Sauffe .
Roler à vélo su les pavés ch'est eine question d'habitute. I'a un cop à printe avec el dévlop'mint , el bonne pression des pneus et bin coeusir sin quémin.
Mi et min blanc bonnet ,in s'régale à roler su les pavés chaque diminche et in fait des Km et des Km sans êt' gramint arcrans !
Pou finir , j'dirais qué les pavés dé l'drève d'Arinberg i sont dins un décor (un bos) fort biau d'autant qu'i sont in line drote. J'arcomminde aux gins d'aller faire eine pourménate à la Mare à Goriaux qui s'treuve à 2 Km pu lon . Pis aussi d'rinte visite à l'fosse viseine. D'inciens carbonniers i vont vous moutrer ed belles affaires.