ché coquillaches
par jpp le, 01/05/2012j'viens d"aller passer 3 jours à Stella plache. Bien intindu, j'ai arvu avec nostalgie tous chés indroits du qu'j'allos in vacances quand j'étos pétit...
In n'mingeo même pas del glace al l'io comme din l'canchon, MAIS in avo la chance d'ête in vacances...
Pendant min week-end ech sus allé aussi au Touquet, à Merlimont et Berck. Sur ché 3 plaches, j'ai été stupéfait de n'pu vire ed coquillaches.
Din l'temps, à marée basse, in marcho sur des bandes larges et vraiment épaisses d'au moins 10 mètres... et i a pu rien. El pollution mes gins el pollution.
J'ai été aussi surpris par un aute phénonème del pollution ; aut'fos quand in marcho sur el plache i avo des nuées d'puces de mer qui sautotent devant nous.... pu inne seule!
ché seiches qu'in ramasso pour accrocher din ché pigeonniers (soi disant que chéto bons pour ché coulons à picorer) inne n'a pu non plus.
i a pas besoin d'aller faire des expéditions en Antarticque pour raviser ché ours, i suffit seulement d'aller sur la côte d'OPALE pour s'apercevoir que note planète al va mal.
J'pnse que chez os ed seiches ché à une certaine époque mais j'peux t'confirmer qu'in n'a incore. Par conte, faites attintion mes gins à ché morcieaux ed verres sur el plache, din ché dunes partout. J'in su v'nu à éviter certains quémins à Stella tellemint qu'y a des abrutis qui cassent des boutelles et cha ché fait volontairemint. Faites attintion .