chiennes, croles et bigoudis

Quand in parle des coiffures pour chés filles, des chiennes ch'est eune frange

Mi j'a toudis eu des chiennes quand j'étos jone, cha allot souvint avec des longs caveux, mais i étot pas question d'aller à l'école les caveux au vent, non non i fallot les attaquer aveuc eune grosse barrette, bin tirés, pas un caveux qui dépassot, chétot l' queue d' cheval qu'in app'lot cha
I arrivot aussi qu'in fasse des couettes

Et in peut pas dire qu' chés caveux cha leu féjot du bien d' toudis ete serrés, cha les affaiblissot putôt
d' temps in temps in attachot qu'eune partie du haut et in app'lot alors cha, eune demie queue

Par conte ches barrettes et même chés élastiques à couettes in n'avot des très belles et biaux

Pis chés jours d' fête, in avot drot à chés croles, des anglaises si os préférez
Alors là chétot terripe aussi passequ' i fallot dormir avec des bigoudis, enfin quand j' dis dormir ch'est un bien grand mot ...

Passeque chétot des bigoudis in férale et in mettot des pics pour les faire ténir et tout cha bin serré, bin tiré évidemmint, si in avot eu des rides pour sur qu'in les aurot pus vues ..... qué corvée chétot
après y a eu chés bigoudis in mousse, chétot un peu miux quand même

L' pire ch'est qu' mi cha ténot l'instant del dire l' lend'main, l' soir i avot pus rin du tout
Faut souffrir pour ete belle qu'in nous dijot, té parles d'eune consolation

Ché vrai qu'in ch'temps là y'avaot des modes pour les coiffures ed ché files. Y'a eu l'époque ed ché couettes passe que Sheila avot des couettes et pis y'a eu l'époque d'el coiffure à la Stone, généralmint chéto pour ché blontes.

j'avos ker l'coiffure à ché tiots à Clote François (coiffure au bol)