ch'43eme R I à Lille, suite
par maurice devos le, 11/05/2012ah aujourd'hui, ché l'jour des piqures
j'su pu certain mais ch'cros qu'ya eu un film avec chés charlots et l'séance ed' piqures , bin la chétot éxactemint parel, in étot alignés d'vant un mur, à poil ou in slip, et in attindot
au bout d'un momint, ya un gars qui passe derrière nous in sint qui frotte, un 2em qui pique chés aiguils, et ch'3eme qui fait l'injection, ch'cros, mais pas sur, qui n'da cor un qui passe pour inlever chés aiguils
pour el typhus, el piqure al fait d'maux d'su l'coup, pi cor 10 à 15 minutes après pi ché tout
par conte pour el "T A B D T" , non seulemint in etot au régime, "soupe" disons d'el liau avec j'sais pas quo n'din pour el midi, l'soir in pétote à l'ieau avec rin n'din , el pire din tout cha ché qu'jusquau soir fallot armuer quasi continuellemint sin bras pour bin faire circuler ch'liquite et même comme cha au matin in étot un tiot peu ingourdi as'n'épaule
par conte si in s'indormot,l’après midi , et y n'da grammint qu'yont eu l'tour dont mi , malgré qu'in étot prévenu, bin in s'réveillot s'n'épaule tout inkilosé et cha nous faijot passer in sacré mauvaisse nuit
faut dire aussi qu'ach'tépoque chés aiguils y z'étotent stérilisées in les ébouillintant , comme cor longtemps après d'ailleurs, et ch'tartre y faijot des tiots piquots et cha aussi cha faijot du maux
j'sins qu'min bras y s'indort, j'ai pas fait d'piqure pourtant , j'vas canger d'fauteul