chassez le naturel...suite 1

pour mi y a journalistes ....et journalistes...............

quand qu in ravisse "envoyé espécial" sur la 2, bin ché sujets i sont bin montés, comme dins ché rédactions à l école, ché r'portaches ont un début, un developpemint et eune conclusion

à la fin des sujets qui sont montrés, on arvo ach' momint là le réalisateur du reportache sur le plateau de l émission, i répond aux questions , pi que che sot sur n importe quel sujet exposé, in a pu s' faire eune opinion

ou j' diro meme plus " in a fait un reportache pour expliquer quéquosse aux gins"

m'n enervemint j' la depuis l' début d' la semaine derniere

j avo bin vu eune annonce sur m6 disant qui yavo un arportache sur les chtis en vacances, mais j avo pas envie d' el vire, j éto parti pour raviser ou tout au moins j' ter un neule sur l équipe de france d' football qui juo ch' soir là conte l islande

au bout du deuxieme but qui s' sont incaissés ché jueurs francais, j a pris l' zapette et j a queu rapid' mint sur le reportache qui éto consacré aux chtis sur la 6


j' va vous expliquer commint que cha a du s' passer quequ' temps avant à la rédaction d' la chaine ...
comme i faut faire d' l ' audience, bin in va arsortir les vielles fichelles ...
bon in va pas met' chaque semaine des interventions musclées ché ché gins à 6 h au matin dins ché roulottes ou dins ché zappartemints ...
personnel'mint j' n a un peu marre d' vire toudis ché portes d' mason embouties pi ché policiers ou gendarmes , arnachés comme des chevaliers du moyen ache, rintrer chez ché gins , torche à la main, in train d' gueuler pi d arreter un suspect qui dans la plupart des cas est toutfois un dangereux récidiviste ...

donc al' rédaction d' la chaine 6 i s' sont dit bin in va faire un sujet sur les chtis

ouais ché eune arcette qui a bin marché aprés l' flime "bienvenue chez les chtis"

as'deminder aussi si y a pas un coté "pervers" qui est en train d' s ' installer, in tout cas ché mon avis , pour mi la gentillesse , la simplicité d' chez gins, ché "parisiens" i l ont vite exploité

y a djà eu "les chtis à ibiza" , aprés i zont fait "les chtis au ski" , bref d' zémissions téléréalité avec des jeunes "bin d' chez nous" , choisis non pas au hasard mais pour donner ou ardonner eune imache pas si glorieusse en fin d' compte des gins du nord

là l'reportache que j a vu sur la 6, chéto les vacances des chtis

alors là i nous en ont fait eune caricature , d un coté eune famile j' diro pas bourgeoisse , pasque ch' terme y est pas assez fort, j' diro presque eune famile "princiere" d' bourgeois du touquet

et d' laute ché journalistes i zont suivi au camping d' cucq , les vacances d eune famile qui veno d'maubeuge j' cro bin

alors sans s' moquer d' ché gins là, i sont allés querre dins ch' camping là, eune famile qui arprésente pas la majorité des gins du nord

ouais cha peut arriver qui a des femmes qui viennent passer leu vagances à la mer avec ché zinfants mais que ch' mari y est interdit d' venir les vire pasque y auro tabassé l'femme et ché gosses

cha arriffe mais ché quand meme pas la majorité ...

j'dis cha tout d'suite mais avant que j vous arfasse la suite dans un aut' sujet ch' soir, j' me su sinti bin plus à mon aisse dins l'quotidien del famile du camping d' cucq...

qu avec ché "proutes proutes" des gins du touquet , in va pas s' arnier asteure ...

ché vrai qu'in étot miu ach'camping "pomme de pin" qui s'applot qu'au Touquet...

vaste sujet que minloute y soulève sur "l'honnêteté" de la presse et ché bien vu.
Je n'vas mette que 2 mots (manque de temps) passe que mi ché un lion que j'cros avoir vu courir din m'pelousse ...i parait que cha vit din l'savane...

Bon pour arvénir à la presse je n'sais pas si ché gins i portent cor un crédit quelconque à tous ché reportaches caricaturés au niveau de presse qu'elle soit écrite ou audio-visuelle.

i a longtemps qu'on a compris que la vérité n'est pas leur fort : i suffit d'raviser la météo à quelques mn d'intervalle sur les différentes chaînes de télé, et on s'demande si y a plusieurs pays qui s'appellent "France" tellement que la météo prévue elle est différente d'une chaine à l'aute. A bientôt

j'habite à STELLA PLAGE. Venez voir sur place et vous constaterez que les temps ont bien changé. Concernant le reportage cité, pour le camping on est près de la vérité, pour le Touquet là aussi on est près de la vérité.
Il faut habiter sur place pour voir et être un tant soit peu "ecoeuré". Ce n'est pas avec un reportage ou une saison de vacances passée sur place que l'on peu jugé en bien ou en mal.
Oui les temps ont bien changé, et là, pas spécialement en bien.

JPP t'aros pas un ami TONIN din tin coin , comme din l'canchon d'Fernandel
j'vas t'apprinte in bonne devisse
fait toudis faire par in aute c'qu'ta pas invie d'faire , ché grammint plus facile , et normalemint fait régulièremint