l'chemin Picot à Trépied Cucq

J'étos pétit, entre 8 et 10 ans, j'ai découvert l'chemin Picot à Trépied Cucq.
Chéto un havre de paix din la nature, avec un côté sauvache invraisemblable, du quel bord de forêt d'pins (du Touquet) al alterno avec des plats et des dunes in sable.

Un été mes parints i nous z'ont dit, vers juillet 1954, qu'in s'in allo in vacances ach t'endroit là. I z avotent louer l'rez d'chaussée del maison Audiquet.
Explication : l'chemin Picot i relie l'rue principale de Trépied Cucq (au niveau del pharmacie) vers le rond point à l'intrée de Stella. I passe in bas du camping du soleil de Cucq.

Ach t'époque digne du Far West, des fous d'la nature i z ont acaté un lopin de terrain et i z'ont construit quelque piéches in dur à 40 mètres de l'route pour y vivre une retraite paisible.
Chéto les Gosselin, l'oncle et l'tante ed min père.

Min grand-oncle (donc) i éto surnommé "ch'matelot" à Bruay. Sin garchon et ses pétits fius i restent cor à Bruay et i z ont resté longtemps din l'rue de Divion.

Ché comme cha que mes parints i z'ont connu l'chemin Picot et qu'on i a été in vacances 3 ans de suite.
Chéto le bonheur et la tranquillité à 3 km de la plache, din une rue étroite mais longue du qui avo à peine une vingtaine de maisons disséminées.

A l'époque, les gins du camping chéto des gins comme nous, ni mieux ni moins bien que din les autes régions.
J'y sus cor arpasser y a un mois, vivre ma nostalgie de voir commint qu'on a détruit la nature ... des maisons tout l'long du chemin Picot, des 2 côtés, jusqu'au bord del forêt qu'on a abattu par endroit.

Et à mi distance del rue el "maison" de m'grand-tante Angèle Gosselin al y est cor et ché descendants i vont cor in vacances din ché cabanons passe qui sont toutdis occupés. Angèle chéto l'soeur dem grand-mère paternelle. Souvenirs souvenirs.