chés loques avant guerre
par maurice devos le, 05/06/2012ch't'un mauvais souvenir qui ma arvénu l'semaine passée , qu'j'avos pas oublié mais qu'yétot bin muché din l'fond des boyaux d'em tiête
ech'premier souvenir ché un pantalon , pour mi du feutre ou quête cosse d'approchant chétot tellemint raite ch'te matière la qu'j'avos mes intre cuiches quasimint brulées
j'ai l'souvenir qu'cha brulot terriblemint, un vrai calvaire, même assis à l'école j'el sintos, d'ailleurs el lendemain em'mère al a pu voulu qu'j'el mets, et j'aros suremint pas voulu nan pu
j'sais pas s'qu'yé devenu mais j'l'ai pu arvu , et pourtant in étot pas pour ch'gaspillache
et pi apres ya ch'capuchon un caoutchouque avec capuche , et chés bottes d'el même matière qui nous sciot nos mollets
la parel chétot brulé par ech'frottemint et chétot aussi terripe que pour ech'pantalon, mais cha in étot bin obligé d'el gardé pisque chétot l'seule matière qui existot pour chés habits la
yavot bin ché godasses in cuir bouilli et à daches , mais quand y pleuvot,,,,,,,