ch' chinois

tiete qui s arpose su mes bras

arprinds un mete, qui dit min père en passant.........

in diro qu' té mate d' viffe , qui ardit aprés, faut dire qui éto assez tétu ...

mi j éto en pleine reflexion, m' tiete au niveau del tape, j' raviso m' mère arcoude ché zhabits, mes zhabits ...

bin sur j a eu dro à "mais commint qu' té fait pour faire des trous ainsi ?" "teut' jette à terre d' expres" "t agrandis ché trols avec tes dogts ou quo ?" ou alors "té t as battu avec qui", "ché pas possipe d' perde ché boutons comme cha , par l opération du saint esprit"

j' répondo vagu'mint ou j accuso untel qui m avo poussé et que j éto qué à terre , "à l insu d' mon plein gré" que j auro pu rajouté si l expression auro été connu à cht époque là ...................

mi j éto en face d' em mère, ale avo posé sin tricot d' puis un momint, partie devant, enfin dans l' pieche d' devant pour ram'ner la fameusse boite à boutons.....................

boite à boutons qui a meme eune canchon à sin honneur ................

j aimo l' vire commincher à partir à l aventure d' la boite en soul'vant par chi , par là, à la recherche d eune série d' boutons espéciaux , ouais y en fallo plusieurs, del meme taille, au moins del meme couleur et del meme forme que ceux qui avotent réussi à rester accrochés à min vet'mint ...

ale cacho dins ch'te boite digne des trésors d ali baba, par chi un bouton avec eune ancre d' marine d' sur, par là , des boutons qui arsemblo à des tchiots morciaux d' bambous , nacrés ou nan, brillants ou mats, bref l embarras du choix, du momint qu in éto patient et qu in avo aussi un tchiot peu d' chance

sinan i fallo aller chez les soeurs Defernez, un tchiot peu plus loin sul' rue anatole france

mi j éto fasciné par ché bobines d' fils que m'mère ale avo, oh chéto pas n importe quelle bobine, chéto du "fil au chinois"

voyez ché tchiotes bobines d' fils, bin d' chaque coté, yavo eune étiquette , blanque pour la plupart des coloris ou noire pour justemint l' couleur noire

d' sus éto dessiné d' chaque coté, eune espéce d' chinois, j' diro asteure d' mandarin qui m impressionno

j avo l impression qui m' narguo, visache imperturpape, capio pointu, sourire en coin , digne d'la joconte , grandes moustaches noires, avec un air d' dire, "té peux toudis m' raviser, mi min fil y est super solite".........

j' el raviso et j avo ker faire rouler l' bobine, comme cha j' voyo s'tiete qui tourno à 360 degres, j' devo esperer qui attrape l' tournis .......

chéto cosse perdue, à chaque coup que j'arreto l' bobine et qui a s' tiete in haut , bin meme après avoir roulé eune paire d ' coups , i continuo à sourire .....

faut dire aussi que ch' chinois i savo que j' pouvo pas faire rouler l' bobine trop longtimps ... m' mère ale veillo au grain ....

"fait pas querre l' bobine à terre" qu ale dijo ..

mi j' faijo rouler l' bobine , pi j allo d' l aute coté d' la tape , mette m' tiete juste au bord et vire arriver d' vant mi, effet de perspective, comme un énorme rouleau compresseur ...

mais ch' chinois i rio dans ses moustaches, i savo que comme j avo deux mains gauches, j allo l'faire querre à terre, et là m'mère, meme si ale éto juste avant absorbé à essayer d' pousser l aiguile avec sin dé au bout du dogt et s arringer pour qu ale arsorte par un des trols du bouton, bref meme si ale éto concentrée , si cha quéyo à terre, j 'em faijo ingueuler et j' devo aller juer plus loin

j' voyo bin l' tiete du chinois del bobine m' raviser avec un sourire cor plus d' coin..

min fout, j arrivo toudis à m' venger...in appuyant avec min dogt au miyeu d' l affiche et là i avo s' guiffe qui éto toute écrasée ...

in est cruel quand qu on est tchiot ............

J'ai connu aussi el fil avec un chinois sur la bobine.

Tous les renseignements sont sur le net, notamment ce fil était originaire du Nord. Il suffit de taper "fil au chinois" et il y a pas mal de renseignements sur ce fil qui, si je m'en souviens était très solide.