pas facile ch' porte pleume

mi quand qu in éto en primaire , in utiliso surtout l' porte pleume avec ch' l encrier qui éto incrinqué, souv'nez vous , au coin dech' pupitre
chéto toute eune technique ch' porte pleume...fallo pas trop intiquer l' pleume dins l' encrier, sinan chéto sur que cha allo faire des patés sut' feule .....

fallo pas nan plus trop appuyer sul' pleume sinon cha faijo "crreuu" sut' feule, au pire cha arrivo à faire un trou et là této sur d in printe eune quand que ch' maite i allo arriver vire ché dégats

bin ouais si t avo trop appuyé sul'pleume cha l avo cassé, impossipe d' continuer à écrire, et là té devo vite lever l' dogt pour deminder ach' maite euen pleume d' requange

ah ouais malheureux, chéto l' meilleure solution, pasque bin sur té pouvo toudis essayer d' l artirer ti meme, mais savez bin qu in prenno plein d encre d un coup su ché dogts, et qu aprés in s essuyo vite fait avec ch' mouchoir qu in avo dans l' poque
et in armetto aussi vite qu' possipe eune pleume neuffe qu in avo dans eune toute tchiote boite en plastique qu in avo acaté in début d année à mon chez Defernez , rue Anatole France ........

l'temps d' faire ch' cang'mint, imaginez si chéto eune dictée, t éto d' lèque, pasque tout l' temps que té faijo tin cang'mint d' pleume, té pouvo pas écrire, ou alors cor plus dangereux, té compto sur la relecture pour écrire à toute blinte, et cor comme té savo pas combien d' plache cha allo printe, cha arrivo que té laisso un espace pas assez grand et quand que té devo réécrire té finisso in pattes d' mouques pour pouvoir au miu, tout caser sul' ligne ...

ou alors t avo prévu trop d espace et cha faijo qui yavo des lignes d' lipe dans ta dictée ...

zavez vu j ' me souviens d' tout , faut dire que j avo djà à ch' t époque là 2 mains gauches et que tout c' que j a marqué d' sus ché du vécu ..............

j avo oublié d' vous dire que meme dins l' meilleu des cas, eune fo rintré al' mason , fallo t expliquer avec t' mère pour li justifier qui yavo d' l encre plein ch' mouchoir

j' vous passe les " aucun respect", "té f'ra l' lessiffe l' prochain coup", les "j'sais pas si j' va l' ravoir" , le "ché pas fait pour cha" , le "pourquo té la pas dit ach' maite " ...

mais m' man ale comprenno pas que si té levo t' main pour dire ach' maite , j a cassé m' pleume, i arréto l' dictée, i d'mindo à ché zéléffes d' rester concentrer, li cha l enervo d' devoir interrompe l' dictée et qui devo t attinte pour arprinte après l' cours d' l histoire qui nous raconto et qu in devo écrire sans faire d' fautes

j' vous parle meme pas del tchiote main et del voix tremblante de chti à qui cha arrivo juste aprés ti ,dans l' meme dictée, qui casse aussi s' pleume

alors là mi j a cor l' souv'nir d un "camarate" , ouais j' mets "camarate " inter guillemets , que à cause d' li qui avo cassé s' pleume juste aprés mi, ch' maite y s a mis in colère , qui ya foutu eune punition et dans sa grante largesse ch' maite y a dit en m' ravisant "zetes que des brisaques, VOUS m'ferez tant d' lignes"

cor merci camarate, mi aussi j avo eu dro al' punition, et va expliquer cha à tes parints en rintrant ," ché pas dem faute ché untel qui a cassé s' pleume aprés mi et alors ch' maite i nous a puni tous les deux"

cha, meme si chéto vrai , cha sinto l' excuse à plein nez ...et j avo dro à "rajoute rin, mint pas"

voyez, j el diso cor am' femme hier, mi j a toudis été un éternel incompris ....

va t in vire .....

l' prochain coup j' vous racontera mes zexploits avec le stylo bile et là ché pas piqué des hannetons aussi ch' t histoire là ...

Quand j'étais au primaire (pas la classe d'entrée, actuellement CP1) mais en cp2, on commençait a écrire avec ce fameux porte plume.
Ma mère découpait des petits cercles de tissu, de la taille de l'éponge ronde pour les "ARDOISES" et les cousait ensemble par le milieu à l'aide d'un bouton dépareillé d'un manteau quelconque.
Cette pile entrait exactement dans le logement rond sur les "plumiers" et quand la plume était sale , on la passait entre deux ronds de tissu.
On pouvait également ranger cette pile dans une boite plastique ronde qui avait servi à la dite éponge à ardoises.