les jeux zolympiques
par minloute le, 29/07/2012mi quand que j éto tchiot in a suivi les jeux olympiques de mexico al' télé
chéto en 1968, vous dire qu in éto pendu al' télé , loin de là, d' abord pasque chéto pas comme asteure des retransmissions in direque d' toutes les compétitions ..
chéto d' abord des souv'nirs in noir et blanc, in avo pas l'couleur bin sur
les souv'nirs que j in a ch est que ché jeux chéto en altitute,et qu in voyo grinmint d' coureurs qui s affalotent eune fo la line d arrivée franchie .....
j' me souviens aussi d' la victoire de colette besson, cha avo été un sacré éven'mint, et in l avo vu braire quand que chéto les hymnes et qu ale éto sul' premiere marche du podium...
pi aussi ché victoires en cyclisme sur piste, avec la paire trentin et morelon
in plus cha m' avo étonné d' les vire gagner ensempe sur tandem ...
yavo des noms qui étotent restés comme revenu , un qui avo gagné en escrime, mosconi à la natation, bambuck piquemal et delecour à la course
yavo eu aussi les victoires à bidet avec pierre jonquiere d oriola, janou lefebre et marcel rozier ....
bon chéto des victoires qu in suivo pas vraimint ché bidets , cha faijo un peu prout prout mais enfin cha permetto d ' augmenter l' nompe d' victoires et d' médailles
j' me souviens qui yavo eu un américain qui avo fait un saut extraordinaire et qui avo pulvérisé ch' record du monte, pi ché courreurs noirs qui pendant ché zhymnes avotent levé leur poing ganté vers le ciel ...
autre temps , autres moeurs in pourro dire, j a suivi aprés les jeux olympiques d' munich, pi de montréal avec passion, j' me souviens cor d'la victoire de guy drut
pi aprés cha a été des zannées à boycott , 1980 in russie, 1984 en amérique ...
pi tout douch'mint in a sinti que cha cangeo, ché devenu d' plus en plus médiatisé, qui dit d' plus en plus médiatisé, cha veut dire faire rintrer des sports professionnels aux jeux olympiques ..........
là ch' t année , j' vous avoue que j a du mau à raviser , ou plutot à m artrouver dans les jeux olympiques, vinokouroff ch' courreur dopé qui gagne l' course d' vélo, ché jueux d' tennis qui sont là aussi, sans parler des footeux, comme si cha suffiso pas toutes ché compétitions .....
autant cha m avo pas choqué d' vire mohamed ali qui avo eu un parcours professionnel apparaite lors des jo qui avotent eu lieu aux états unis, i avo quand meme comminché par les jeux olympiques, autant que d'vire davite bequam porter la flamme .........
direz que j' su peut ete nostalgique , voir ringard ,mais l' mélanche professionnel amateur j a du maux à l accepter
faut dire aussi que si ché professionnels sont là ché sur que cha devro ramener du monte , mais bon .... j a l impression qu in est loin de l esprit de michel jazy ou de alain mimoun ......
j'su tout à fait d'accord avec ti minloute , si j'em'souviens bin chés jeux au début et jusqu'à ya in vingtaine d'années y z'étotent réservés rin qu'a chés amateurs , et pi rin qu'a chés sports ed' piste
j'vas pitête dire in connerie, mais in vot pu chés lanceux d'poids, ou javelots etc
yé vrai qu'mi nan pu j'ravisse pu, comme tous chés sports ach'teur, trop d'pognon in jeu, pi un plus ya toudis ed' plus in plus ech'doute d'su ch'dopache, et quand qu'ya un doute bin in a pu ker tellemint in déméfie, ché malheureux mais ché comme cha