CE2 de l'école del fosse 3 de Liévin en 1967

Minloute i nous dit qu'il en a bavé avec ché porte plume!!! tant miux parce que si on ne l'teno pas bien, el plume al éto transformée en fléchette din l'feulle du cahier.
Avec l'arrivé du stylo bile ché élèves i pouvotent ténir n'importe commint et cha écrivo tout de même.

Cha m'a rappelé que j'avos une photo del classe de CE2 en sept-octobre 1967 à l'école del fosse 3 d'Lens à Liévin et in ravisant bien sur ché tapes on vo cor ché encriers in porcelaine.

Ech l'année là, l'inspecteur primaire, M. Dumas, i a autorisé à mette in route ché stylos Bic pour certains gosses.

L'école del fosse 3 d'Lens al a été el 1ère à s'mette in grève din l'Pas de Calais in mai 68.

quand j'vos ch'te photo j'm'arvos à ch't'école du 11 ed' Lens
quand j'ai passé min C E P in 1953 el classe al étot parel, à part qu'ech' fu yétot au mitant d'el pièche
qu'cha sintot bon quand in rintrot, j'ai cor chés z'odeurs din min nez

et justemint hier j'parlos à m'tiote file ed'12 ans d'chés porte plume, et in particulier d'cheux avec in tiote bulle in verre au mitant, et quand in ravisot en'din in veyot l'tour eiffel , ou un grand monumint
et pi surtout qu'ech'rongos ch'te corne, yé vrai qu'j'avos cor ed' bonnes dints ach't'époque la aussi, j'n'ai cor ech'gout din m'bouque

comme par hasard , j'viens de m'vire su l'photo de jpp
su au premier rang du milieu à droite à côté de ch'ti qui a des lunettes .
donc j'pinse que jpp devo ette dins m'classe à l'époque pour avoir s'te photo.

ta vraimint pas cangé théo , du moins j'supposse , pisse qu'ech'té connos pas , mais à t'lire in vot qu'té toudis resté jone

té vo maurice , cha ché eune photo qui a été faite in début d'année .
parce que , si a l'avo été faite in fin d'année , té m'auro vu dins l'fond .
j'em sinto toudis mal devant ch'bureau , j'avo l'impréssion d'etre espionné par ch'maite .
quoi que ch'ti la chétot pas un mauvais maite .. hein jpp .

j'viens d'faire vir ch'te photo à m'tiote file ed' 12 ans al a ouvert des yux comme des phares ed' carette
j'y ai espliqué commint qu'cha s'passot à l'époque, pour chés couleurs d'encre , chés plumes , chés carnasses , qu'in canjos pas tout chés 6 mos , au contraire qu'in z'incoujos
j'vas essayer d'rassimbler mes souvenirs et armette un commentaire ach'sujet

j'ai oublié ed' dire à théo qu'ché pas bien pour el fin d'année

Théo, t'éto un élève plus grand physiquement que les autes mais t'éto gentil, intéressé par tout cha qui s'passo in classe, j'pinsse que t'as pas cangé.
Ech pétit à lunettes à côté d'ti sur el photo j'cros qui s'appelo Lagneau.
T'a raison in éto din l'même classe, mi té m'arconno facilment : ech l'homme debout au fond del classe ché JPP. A bientôt.

jpp cha m'fait plaisir din r'trouvé mint maîte d'école , mais s'qui surprind ché que vous vous souv'né d'mi .
ch'ti qui est assis à coté d'mi s'appelo bien Lagneau et ché un gars qui travaillo bien in classe .
j'peux dire que vous avez pour l'époque été un bon maîte d'école ainsi que madame Bédu quand in n'a fait l'école mixte.

v'la 45ans d'passés et j'ai l'impression qu'chétot hier . j'ai eu après vous eune maitresse qui s'donno un fin plaisir à m'donner des punissions chétot madame Lefèvre , cha aussi j'min souviens .

bonne continuation et surtout eune bonne santé que cha vous menne l'plus loin possipe . ché un grand plaisir d'vous lire , mais je n'savo pas que chétot vous .

Théo, i a pu d'maite et té peux m'tutoyer cha m'rajeunira.
Ché vrai que l'CE2 chéto une classe comme j'ai jamais pu eue. Tous bien élevés, complices entre vous, intéressés par tout cha qu'on faiso, et j'ai passé min CAP avec vous.... après l'grève de mai 68, à 3 jours des grandes vacances.
Avec une note top niveau qui m'a voulu bien del jalousie par la suite.

J'ai fait une faute de frappe, l'inspecteur i s"appelo M. Dupas, et non Dumas. I voulo m'garder à Liévin, mais j'devos min aller au Maroc faire min service en septembre.
J'arpasse régulièrement à Liévin mais té peux m'téléphoner j'sus sur l'annuaire à Bruay.