du minger d' anette

ah Tit Louis d' Peuplingues, commint veux tu qu in passant d' vant du minger d' anette qu' j' pinse pas à tizaute?

j' pourro l' réciter presque par coeur, quand dans un d' tes sketches, té cache aprés "belle maman" qu ale a passé derriere ti en allant ach' gardin et qu' d un seul coup pu d' belle mère

t avo caché aprés elle, t avo ravisé meme si ale éto pas queu dins ch'vatergang , mais nan ,l' minger d anette i avo pas été déplaché ....

pi en fin d' compte té va l artrouver qu ale éto queu dins ch' trou à fumier que ch' neveu i avo camuché en mettant des branques par d' sus......

mon diu qu' j a bin ri in t acoutant, et cor ché mes parints qui avotent été à un spéctaque qui zavotent acaté ch' 33 tours ...

j' me souviens de "bisous futés d'el bonne année" , pi ch' voyache in car dans l' tyrol avec grand mère et ses maronnes ouvertes ....sans parler d' tous ché zinnuis que ch' pitit neveu i am'no al' mason ......

grand mère raclaquée ach 'plafond coinchée par sin mat'las lunatique ...... pi ch' gatiau d' niversaire que ch'gamin fait exploser

j avo oublié d'dire qui avo eune sacrée voix, eune basse d'compétition

né en 1910 ,cha fait un momint qui nous a quitté , mais voyez, l' progrès cha a du bon, in trouffe cor in cachant bin , des enregistremints d' ses spectaques

d' quo immortaliser l' personnache

j a oublié d' préciser ou plutot j avo pas sinti l' obligation del préciser eune anette ché eune cane

faut dire que Guy Dubois, not' maite à pinser, i l a expliqué dans ces lecons de patois , et qui qui pourro cor pas connaite les lecons de patois de Guy Dubois

si ch'est cor l' cas, j' jette te pas la pierre, mais allez vite raviser sur l arnitoile, ces lecons d' patois ché que du bonheur