l' barraque à Papa

comme j' vous in a djà parlé , sur le site géoportail in peut asteure , eune fo eune localité selectionnée, actionner le bouton "remonter dans le temps"

autant j' l avo djà fait pour bruay , autant j' l avo pas fait pour merlimont

eune fo l année sélectionnée, j avo d abord ravisé sur les clichés des photos aériennes de 1955 mais là chéto pas précis, j a tenté ma chance sur l année 1960

j' vous avoue qui m a fallu quequ ' momints pour m arsituer, meme si on selectionne nous meme le quartier qu in veut vire

j a arpéré rapid'mint les anciens cours d' tennis, j a armarqué qu en 1960 yavo pas cor la plache du marché à l' emplach'mint qu ale a asteure, ché pas cor goudronné, et in vo cor que ché un espace sablonneux

in vo qui a pas mal d' constructions qui existotent pas cor , in plus in peut zoomer et la qualité d' l' imache ale est parfaite

pour ché connaisseux, in avo eune tchiote mason qui éto juste in face d' l actuelle poste sur l avenue de la plage

d ailleurs j a pu vire l' ancien terrain du qui allo avoir la poste , du qui resto en fait que l' soubass'mint d' eune cave d'eune mason

j a arpéré ché villas voisines "belle de mai", "rose d avril" "mi jo" pi "bleu blanc blond"

pi bin bin sur l' chalet d' mes parints et les "myosotis" qui donnent eux sur l' rue leroy perpendiculaire à l avenue de la plage

j' vous avoue que cha m a fait quéquosse, et que dire quand que j a arconnu l'viele barraque à min père qui jouxto l' chalet

chéto eune ancienne cabane d' cantonniers des ch'mins d' fer des zhouillères

ché rin, vraimint un détal , mais pour mi , cha m a fait "drole" d arvire comme cha un "instantanné" d'merlimont en 1960

j auro pu aussi vous dire qu in voyo le local de mr pammart, ch' ti qui construiso des masons sur merlimont

pi surtout , et ch est véridique, avec l' photo aérienne, pour vous dire qu' ch est précis, j a meme arpéré l' cabane des ouatères qui yavo dins not' gardin

j a préféré d' parler surtout del cabane à min père plutot qu' d'printe ché cabinets comme arpère ....