cimetiere du 3 colombarium

j a hésité un momint à vous faire un sujet là d'sus, in tout cas j' voulo vous dire que si j avo toudis ker à armonter au cimetiere du 3 , cha n avo rin d' morbide ni d' malsain

nan , j' a bin busé là d' sus et j in su arrivé am' dire que j avo vraimint des souv'nirs encrés là du temps qu in y monto en famile, avec min père et m' mère

j' me douto ou plutot j' préssinto que chéto important pour min père d' y monter au moins à la toussaint, quo que j' sais qui y monto aussi in dehors de chte date là, tout cha pour aller s' recueillir sul' tompe d' sin père et des' mère

d ailleurs quequ' zannées avant qui décéde , y avo fait faire sin caveau au cimetiere d' labuissiere, mais y avo arfait faire celui d' ses parints

j y avo d'mandé pourquo qui compto s' faire interrer à labuissiere plutot qu au 3, i m avo dit qui préféro labuissiere comme cha i pourro intinte ché publicités des hauts parleurs du parking d' à mon cora (véridique)

mi j a ker armonter au cimetiere du 3, j a l impression d' arvenir en arriere, manquo pu que ch'brouillard , d ailleurs si j éto armonté plus tot là haut j auro ptete eu dro à ché brumes d' caleur, mais i auro manqué ch' coté humite , savez quand qu in voyo d' la rosée su ché toiles d araignées

j a été du coté du colombarium, j y avo jamais allé, y est très bien tenu , par conte t arsort d' là , t as pris un sacré coup au moral

d' abord , au détour d un casier, j a queu sul' plaque d un ancien camarate d' mon age que j avo perdu d' vue depuis eune trentaine d années et qui a décédé y a djà 8 ans .....

j y a vu le casier de M Abel Legrand, eune figure emblématique d' bruay qui nous a quitté à un age presque canonique

mais ch 'est l exception, j' vous jure j' su arsorti d' là , l' moral in berne, que d' jeunes gins ou d' jeunes files qui ont perdu la vie à des zaches "anormaux", chti chi à 30 ans, chtilale à 25 ans, pi in plus souvint ché gins i zont mis eune photo del personne incrustée dins l' casier

chti chi moins d' cinquante ans, às' deminder si y a vraimint eune logique dins tout cha,l' moins qu on puisse dire ché qu' j in doute

et j' pinse bin sur à la douleur des familes qui ont perdu in éfant , que ce soit l age, cha ché terripe, vire partir ses éfants avant soi ché pas normal

j éto v'nu ichi pasque j avo vu en passant qui yavo des motifs qui avotent été mis su ché casiers

y en a un ché un coulon, ah in peut et' sur que chti qui a ses chintes ichi chéto un passionné

après in trouve aussi eune lampe d' mineur, là j' sais pas si chéto eune passion, in peut au moins dire que chti qui éto là y éto fier d avoir été mineur, quo que in ravisant l' date d' sin décés in pouvo s' douter que la mine a li avo artirer aussi queques zannées supplémentaires à sin capital d' vie

i a 5 ans, courant août, j'étos allé vire Abel qui véno d'ette hospitalisé à Divion. I parlo bien, i avo tout s'tête, mais, Arlette, esse femme al m'avo dit que s'n'état i éto gravissime.
Effectiv'mint 15 jours après i avo pu d'Abel. Il avo 98 ans. Sin frère René, qui a été instit à Loubet, il est décédé au printemps 2012, il avo 102 ans.
Avant sin décès i m sembe que leur père i resto din l'boulevard Basly.