Arras Béthune
par minloute le, 26/08/2012arrivé à arras, j a du déchinte du tgv pour printe la correspondance pour le TER qui allo à hazebrouck et qui s arretero à béthune
l' temps d'aller dans le hall d' la gare d' arras, et meme d' raviser sul' plache
j a intindu pi vu eune cariole tirée par un bidet, commint vous dire est ce que chéto un retour en arriere ou un pas vers le progres, in tout cas ché prévu pour vider ché poubelles d' la ville
brouillard, ciel gris, pi l' couleur d' ché gins bin blanque, am' mote qui a pas du y avoir par ichi beaucoup d' solel durant ch' mois d' juillet ...
j' vous avoue que j' cache pas trop du que j' devra trouver ch' quai du train , j a du temps pi y a un monsieur un tchiot plus agé qu' mi, avec sin tchiot fils, et i porte in sac avec ch' blason du rc lens ...j' su su la bonne voie
cha y est ch' quai y est annoncé, ché l'quai 3 ,chti qui est pas loin du hall, mais un tchiot peu en r'trait
ch' TER y est tout bellot , cha cange des trains , que dis je des pousse pousse qu in a tous connu et qui nous ramenotent in's deminte cor avec quels restes d' forche jusqu à la gare d' béthune ........
par conte j' a armarqué eune fo assis à l intérieur ché qui yavo des traces d' sang qui étotent cor sur eune cloison et surtout yavo d' sacrées dégradations au niveau des vitres, au lieu d' taguer avec d' la peinture , i preferent faire cha avec un diamant et laisser comme cha des traces indelebiles ...
ché pour cha que vous verrez des rayures su les photos que j a mis , j a photographié dem' plache ...
cha y est ch' train i démarre,avant d' quitter la gare j avo été controlé
vite on quitte arras, avec ses masons autour d' la gare sans charmes , in tout cas pour mi
cha y est ch'train i s in va vers le bassin minier, que vous dire ? cha peut paraite bébéte, mais j a min coeur qui bat plus fort, in tout cas j' su tout contint
in vo pas grand cosse, y a cor plein d' breumes d' caleur, cha y est on est dans la plaine, et là au tout au bout ,j' vo la premiere silhouette d un terril , oh mes gins, j' m in fous si cha peut paraite puéril , mais ché comme si j' artrouvo eune viele connaissance ....
cha y est in arriffe dins min coin ......
contint d' vire la gare de lens
contint d' vire le chevalet de st amé
contint d' passer à la gare de bully grenay
j a pinsé en meme temps à Maurice, Christian , pi Marie Claire
là, d' avion à béthune , cha y est ché min coin, in vo l' antenne d' bouvigny, la colline d' vimy, notre dame de lorette ....... j' savoure
Ha la ligne Arras Béthune en train...
Comme nous le narre Minloute, un vrai voyage.
En 1975.. Paris ARRAS en 02 heures.
Arras Béthune, idem. Départ à 13 heures 30 d'ARRAS, le tortillard faisait un arrêt dans toutes les gares dont celle comme Eleu dit Leauwette, Bailleul Sir Berthoult..
Des wagons avec des bancs en bois. Un grand ouf à l'arrivée de Béthune. Ensuite le car direction Bruay.... Les voyages forment la jeunesse.
bin té vos qu'in est bin din nous région , pour chés trains din l'temps cha m'rappelle à mi aussi d'sacrés souvenirs
d'ja avant l'armée quand in partot in vacances avec chés fosses , et pi après l'armée j'travaillos a Marly les Valenciennes et tous chés lundi matin vers 6 h j'prenos ch'train , et l'plus souvint chetot in micheline , et bin sur l'hiver ech'chauffache qu'yetot mis in route à Lens , y comminchot à cauffer à Valenciennes , in etot arrivé,
ech'dernier train à banquettes in bos , chétot pour aller à dunkerque , in 1978 ou 1979 , cha ma fait tout drole d'arvir cha , j'pinsos qu'cha avot disparu ed' pu longtemps
et l'dernière fos qu'j'ai pris ch'train chétot pour aller à St Jean de Luz , alors la "Arras Bordeaux" T G V , avec un arrêt ou deux , et apres Bordeaux , chétot un train d'grante ligne , tout aussi confortape qu'in T G V
s'qui manque din chés trains ach'teur , ché s'que'j'espliqos à m'tiote file qu'yétot avec nous , ché " TAC TAC TAC " qu'cha faijos chaque qu'in passot d'su un raccordemint
Din l'journée, on est parfo arvénu au même temps qu'in 1975 : Paris Béthune =2 heures, alors que jusque décembre 2011, chéto 1h20, passe que l'TGV y passo par Béthune.
La SNCF al a revu ses arrêts, ses passaches partout in France, et vous avez certainm'int vu al télé el levée d'boucliers que chavo fait... en vain.
Donc achteur, souvin, Paris Arras environ 1 h, pi après 3/4 d'heure pour faire Arras Béthune en RER quand il est à l'heure. Donc on va querre note famille directement à Arras
( 4 photos)