Quai du n°1 - Massif Central

L'article sur ché trains cha m'a rappelé un vague souv'nir mais qui m'a marqué dans la cagégorie "mauvais".

In 1953, j'ai 7 ans, et mes parints i z ont décidé que j'allos partir in colonie d'vacances, avec min frère de 10 ans.
J'pinse que chéto une colonie des z houillères qui se trouvo à Puy-l'Evêque din l'Massif Central, pas loin d'Cahors.

L'départ i a eu lieu sur le quai du n°1, in bas del côte des Grands Bureaux, din un train des houillères. Un train d'mineur ou d'transport ed carbon???

Ché banquettes in bo dont vous parlez chéto un palace à côté d'cha. J'pinse qu'on a du ensuite canger d'train pour un vrai SNCF à Béthune probablement.

J'vous mets une photo de min quai passe que j'cros qu'al est pas encore sur ech site. L'reste del colonie je n'vous l'raconte pas parce qu'i fo positiver.

Bonjour JPP, que coincidence j'y suis allé aussi en 1946 ou 1947 chéto à Vire dans un chateau j'avos 11 ou 12 ans
je me souviens aussi sur el bord d'el route yavot qu'a léver s'in bras pour minger des fruits qu'in disot des péches abricots, chéto des grosses péches jaunes "in dit par ichi"

je me souviens aussi dél riviére avec plein de roseaux , labo avec un camarade on nous a donné el charge d'in un grand garage ed ramasser un tas de photos de la guerre 14/18 sur verre, des centaines tous parterre ils ont été tous vidés de leurs boites, suremint aprés la guerre ils ont du cacher des sous ont d'a eu pour 8 jours (pas des journées de 8 heures), on est allés aussi visiter Cahors .

tévo JPP ché inoubliable ce que je me souviens du train in arvenant on m'a volé un album de 12 C.P. de Cahors quand ej dormo cha ma gaché mes vacances chéto pour faire vire à mes parints que chéto biaux labo , enfin aprés la guerre chéto des bonnes vacances tévo 60 ans aprés in in parle incore d'in ché C.P. yavot el vue du Chateau du qu'in étot Cordialement

JPP ravisse sur Google "puy leveque vire" il y a un chateau je crois que c'est celui la c'est devenu un domaine
vinicole on produit le Merlot

ché vrai Daniel qu'i avo un aut colonie aussi à Vire, mais je n'savo pas que chéto des Bruaysiens, on allo les ...vire (lol) à pieds chéto à 3 ou 4 km.
El rivière, on allo se baigner tous les jours dedans, j'penso que chéto le Lot (??).

j'pinse que en 1947 el grotte de Lascaux al n'éto pas cor ouverte au public, mais mi, in dépit de mes 7 ans, j'lai vue et j'min rappelle. chéto el réelle pas incor une reconstitution.

Et pi aussi je m'rappelle qu'on est allé visiter une rivière souterraine, mais je n'sais pu l'quelle. J'ai toudis pinsé que Marcel et Odette Wacheux i z étotent moniteurs à Puy l'Evêque, mais à chaque coup que j'ai demandé à Marcel, il a toudis rigolé in m'disant que j'avos une bonne mémoire, mais sans me faire de commentaire.

In tous cas, i avo une corde accrochée à un arbre din l'cour et ché là que j'ai appris à grimper. Ché vrai qu'on mingeot des gros abricots partout din la nature et on a même fait del cueillette de champignons ... qui on été mingés à l'cantine. Même si chéto pas l'hôtel 3 étoiles cha forge la jeunesse.

Mi aussi ech' su allé in colo à Vire dinl' Lot, et el catiau si j'em' souviens chéto Le Chateau de Blazac, que des souvenirs mé gins...
in coup in dévalant din'l sud, j'ai passé par la in caravane, el route pas large, et sur la droite em' ancien lieu ed colo, cha m'a fait drôle d'arvir cha

JPP , Sopraniste, ché quand même incroyable de se retrouver 60 ans aprés sur internet , chéto pas un 3 étoiles mais in mingeot
je ne me souviens plus du nom de la riviére le "Lot" nous étions dans le département du Lot ché bete de l'avoir oublié , ainsi que le nom du chateau merci de nous l'avoir remis en mémoire.
Et à Gézincourt dans la Sommes avez vous fait un séjour, la chéto la galére in crévo ed faim, in s'faisot nos poches à tour de role in sauvo pour acater un pain d'in le village qu'in mingeot comme cha
je devais me sauver avec des copains dans la nuit ils sont venus me réveiller comme e'j dormo bien je ne me suis pas réveillé ils ont fait la belle , un jour un moniteur yé venu pendant la sieste nous engeuler, ya un plus agé que nous lui a jeter un couteau as tete qui s'est planté dans la porte (quelle ambiance) que de souvenirs

vous moquez pas mé gins, em' première colo, j'el l'ai fait à Brias in 1946... on logeot din les anciens batimints ed ché allemands, du qui avo el dépot ed munitions, d'ailleurs y a un camarat' del cité des musiciens y a trouvé en grenade, certainement qu'il l'a découpillée et al a explosée, et ce fut la mort instantanée..

Après des colos j'en' ai cor fait pas mal, 1947, 3 mois din en' famill d'accueil in Norvège . 1948 Petit Fort Phillipe, 1949 Tugny Trugny, 1950 à Vire din le Lot, 1951 La Cave et Souillac, 1952 avec les mines l'Algérie à Djigelli, 1953/1954 avec mes parints les frères et soeurs in tente avec el Frégate... 1956/1957, l'armée, Allemagne et l'Algérie, 1958 La Napoule, j'ai tellemint voyagé que im' faudro 3 pages pour el marquer...

j'ai fait après du caravaning,avec en' GS, et l'orégon 37 ed caravélair, j'ai eu 3 caravanes, el dernière jel'l'ai vindu l'an passé. Hobby 560. y faut savoir s'arrêter un jour...

j'viens d'lire vos esploits mes gins , cha fait tout drole ed' vire des gins auusi heureux d's'artrouver , sans s'vire
mi j'ai jamais eu l'occasion d'artrouver des gins qu'j'avos connu din l'temps , des gins d'min coin , ouais mais qu'ech'connos toudis pas , j'avos mi in photo in fos ed' grossouf din l'cher , mais pour s'arconnaite faudrot plutot ête devin , yé vrai qu'date d'avant 1948
par conte j'ai arvu deux copains connus in algérie , un d'seine et marne qu'jai cor été vir ya 2 ans , et un d'moselle , ya cor v'nu m'vir ya 3 ou 4 mos , bin mes gins in s'imbrasse à chaque fos , in dirot des gamins

el dernière colo que j'ai fait din le Lot, j'avo comme moniteur M. Guillement, et el directrice del colo chéto Mme Guillement, ach' momint là Directrice ed l'école du Centre à Bruay, et ses filles étotent ed' not' aches, pas trop grandes avec des leunettes

Au sujet del photo ed l'ancienne Fosse 1 que j'ai pas connu binsur, jéto pas né, mais par contre j'ai connu el pont ed fer qui servo ed passerelle pour les piétons quand ché trains y devottent passer, mais que ed min temps in y passo pu, bin que el Fosse 1 al n'existo pu, mais el ligne del Fosse 4 al y passo aussi, el quéminée del Fosse 1 j'el l'ai connu, al éto dinl' cour du centre d'apprentissage des mines, dont l'ingénieur du Centre était M. Lamy , le nom des instructeurs ne me reviennent pas , M. Gervois peut être et bien d'autres....

et in face y avot même en' grande salle de sport, du qu'in allo vir el catch'"el bourreau ed Béthune", à gauche del passerelle chéto el maison ed M. Monpeurt, directeur des mines ed min temps
ach'heure ché le resto le Méditerranéen, et el rue à droite del passerelle chéto el rue du blanc mont, nommée achtheure rue Bouillez, du que mes parints ont habités

in face ed l'ancien cordonnier,que té do connaitt' jpp, tient du qu'y avo el tiot pont qui nous permetto ed passer in' sous del ligne du N°1 pour arjoint' el rue del gendarmerie, nommée achtheure rue Télesphore Caudron , pi el tiot quémin cor pour arjointt l'école Loubet

terminé toucha ach'theure, Bruay y a bien cangé, comme partout d'ailleurs....

ché jeunes i vont nous dire qu'in radote mais in s'en fout passe que cha fait du bien d'arparler de tout cha mais ché aussi l'histoire vivante qui est l'but du site.

El pire ché que Marie-Claire al va pu savoir si elle classe en "colonies d'vacances" ou bien en "bidochons in vacances"... Mi aussi j'sus allé in colonie d'vacances à Petit Fort Philippe quand j'avos 6 ans, chéto emme 1è colonie d'vacances.

El moins qu'on puisse dire ché que chéto cor plus spartiate qu'à Puy l'Evêque. J'ai canté pendant 3 semaines "si toi aussi tu m'abandonnes".
Pourtant un diminche mes parints i sont vénus nous vire. Quand i sont arpartis au soir chéto cor plus dur à vivre.

Après vers 12 ans, j'sus allé 2 années in suivant in colonie à Le Chêne din les Ardennes près du lac de Bairon. Et à 14 ans, cha a été emme dernière à Rebreuve sur Canche à côté de Frévent.

Par la suite, bien évidemment, j'sus devenu moniteur de colo, du centre aéré d'Bruay, et même directeur adjoint pendant 4 ans.