rue d isbergues
par minloute le, 13/09/2012ch'est eune photo prisse de la rue raymond deruy , in vo l alignemint des masons d' l rue d isbergues
ché eune belle photo pasque tout y est rectiligne, et j' diro identique, comme eune arproduction à chaque coup d eune meme habitation
j a connu et j' y trouvo plus d' charme, ché masons et surtout ché dépendances qui , au fil des années, étotent personnalisées par ché habitants
chti chi i rajoutto un clapier, chtilale un pigeonnier, d' autes un poulailler
d' autes aussi s étotent construit eune barraque qui pouvo arsonner à eune tchiote mason tout cha pour l' outillache dech' gardin
j ' avo ker cha , d' vire que chacun avo aménagé as' mote l' derriere des' mason
par conte yavo un point du que tout l' monte i faijo parel, chéto l entretien d'ché gardins
meme si tout l' monte metto pas les memes légueumes au meme indrot, ou dans les memes proportions, chéto vraimint bio à vire, in tout cas pour mi, bin pu zagréape à raviser qu' ché gazons d asteure
l' ces d'Isbergues ché comme cha qui s'appelot quand i a ouvert ses portes, in suite ils l'ont baptisé Jean Rostand.
minloute dot suremint s'in rap'ler.
( 1 photos)