un gros coup d'coeur

hier j avo bin vu qui yavo un film sur l affaire "outreau" , savez l affaire qui a bouleversé toute eune région au début des années 2000, ch' film i s appelo " présumé coupable"

nan, j a dis , j argarde pas cha, ch' est un peu armuer du brin, faire un flime sur eune histoire qu ale méritero certain'mint pas d' ete passée sous silence, mais j avo peur que cha so un éven'mint qui auro été en fin d' compte récupéré pour faire que du fric

j ' raviso donc un aut' flime , pi al' premiere page d' publicité, in n a souvint sur w9, j a zappé et j' su queu sur canal plus du qui diffusotent ch' fameux flime " présumé coupable"

j' do avouer que j a pas pu canger d' chaine ,que j a pas pinsé à canger d' chaine, ch' flime i raconto l' histoire d 'outreau par l' biais d un des , commint dire, un des présumés coupapes, l' huissier Alain Mérécaux

j' vous avoue aussi qu à l époque , j' éto pas forchémint très tendre non plus avec ché accusés, in n a intindu des attaques, des affirmations, relayées par la presse , et certain'mint pas assez vérifiées par l' juge d instruction, in n a intindu des affirmations terripes , qu in pouvo pas avoir d' compassion pour ché zaccusés

meme que cha m' semblo , j' m escuse , un peu exagéré , quand que j a su qui n a qui voulotent s' suicider, j' me dijo que chéto d' faux suicites

ch' film y est bouleversant, d' abord ché comédiens i zarsempent physiqu'mint aux personnes d' l époque, que che so Mérécaux, le juge d instruction , ou Myriam l accusatrice , in pouvo croire que chéto non pas un film mais un reportage ....

l' acteur principal qui jue le role d Alain Marécaux, ch'est Philippe Torreton; et pour mi i s a fondu dans sin role

au point voyez , qu à un momint , on apprind qu Alain Marécaux i fait la greve de la faim, bin l acteur est vraimint émacié , et physiqu'mint i parait pas in bonne santé

l' but ichi ché pas d' vous raconter ch' t histoire, tout c' que j' peux vous dire , ch est que j' comprinds miu, à postériori , commint ché zaccusés ont pu et' détruits moral'mint et que ché couples ont pas tous survécus

j' viens pas ichi juger chti chi ou chti lale, mais j a trouvé , que l' film i raconto bin l ambiance d' l époque , sans forcher sur le trait

pas facile d' vous faire un sujet là d'sus,ch est pas un film mélo, ché un film réaliste, et ché pour cha que j' me permets d' vous le signaler

ouais qu'cha a du ête terripe pour chés accusés , surtout d'su un délit aussi graf et j'comprinds d'autin plus qu'j'ai eu l'tour mais d'su un sujet grammint moins graf , j'répète grammint moins graf

j'ai été accusé par min voisin din face ed' griffer chés voitures d'ses garchons , j'ai été insulté par ché parints comme par chés jones , mis plus bas qu'terre , j'ai été convoqué à chés flics , j'ai porté plainte , plusieurs fos , ché grammint moins graf bin sur , mais cha marque in homme j'peux vous l'garantir