qui mieux que J.Mousseron pour parler de Courrières
par Marie-Claire le, 16/10/2005Jules Mousseron, Eune visite dins les Mines de Courrières in avril 1906
Salut ! ô martyrs de Courrières,
Brav's carbonniers nés pour l'douleur !
O pauvres gins ! Oh ! les pauv's frères
Combin nous pleurons vos malheurs.
C'mint s'mettr' pareille affaire in tiête ?
Douz' chints mineurs périr dins l'feu
Sans pouvoir pinser eun' minette
L'infant à s'mère, l'père à s'fieu !
Anéantis par l'flamme et l'soufre
Tous ces innochents sont brûlés
Collés dins les poussièr's du gouffre
S'étreignant par group's affolés.
Ch'est est fini ! pus jamais d'caresse !
Pus d'joi ! pus d'pain et pus d'bonheur !
Tous les corons ont l'mêm' tristesse,
Tout's les maisons ont l'mêm' douleur.
L'détress' n'a point passé eun' porte,
Et l'deuil est partout dins l'cité
Qu'ont-i fait pour souffrir d'la sorte,
Ces malheureux persécutés
Dans son ouvrage "A l’fosse" Jules Mousseron relate la catastrophe de Courrières