arrivée au fond
par maurice devos le, 27/09/2012cha yé d'apres c'qu'j'ai calculé (math sup) in minute 30 après ête monté din l'gayolle in est au fond
in déchind d'el cache par chés portes "derrières" et la in arrif din in nouvielle gare ed' triache , ché bin blanc (chaulé), bin éclairé, avec des lampes ach'tot
derrière nous chés l'sortie d'barous , qui vont s'artrouver d'vant prets à arpartir à front, mais avant d'arriver la ya chés accrocheux qu'yatelle chaque barou es'in à s'autes in accrochant ch'biribi
d'vant nous d'su 2 files des balles ed' carbon ou d'caillots , d'su l'gauche, qui vientent ed'derrière et d'su l'droite 1 ou 2 files ed' barous prêt à arpartir
d'su l'gauche d'el gayolle incore ya ch'l'écurie , ch'cros qu'yavot cor un bidet in 1953, et juste à coté yavot ch'coffe , chétot l'intrepot d'chés buqueux avec tout le matériel
et la in s'in va pied , jusqu'à front
à 100 mettes d'el gayolle , ya pu d'leumière , heureusemint in est outillé , à l'époque et jusqu'in 1955,56 in avot cor au 9 ed' Lens des lampes électriques chintures
j'arprinds après pi tête
plus loin in arrif à in carrure et la ech'groupe y s'divisse in deux , d'certains vont d'su st victor , jeanne , six sillons , ou omérine , ch'su pu certain d'l'ordre , mais ch'su sur ed' chés noms
ch'trajet yé long , et ch'daine yé pas "carrelé" , ché du brut , in plus ach't'époque in avot pas cor ed' godasses ed' sécurité
avec nos z'espadriles , bin souvint raccomodées au fil a buqué , fallot faire gaffe , chétot j'pinse cor pir qu'ed'marcher d'su du ballast , mais in y pinsot pas
pi l'pire ché qu'ech'temps passé d'su ch'trajet , bin din manière ou in aute fallot l'rattraper
ch'parcours y devot ête fini , pour chés abateux , chés bowetteux , chés traceux
et pour chés galibots , ch'matériel fallot qui seuche arrivé avant l'fin d'poste, et la j'm'arvos galibot au transport matériel, tout gringalet avec des musques comme des cuiches ed' coqs, mais qu'chétot ,,,,,,,super
à d'main
in espérant que té m'prinds au sérieux pour eune fo, j'voulo t'dire que ché toudis agréape ed'lire tes z'artiques maurice , sur ch'domaine la té imbattape , et l'seul que j'conno incore pour m'donner des esplications sur c' qui a pu vivre min père au fond.
merci incore , et pour eune fo prind me au sérieux dins c'que ch'te dis .
j'ai oublié ed' dire qu'tout long ed'chés bowettes , qu'in parcourot à pied jusqu'à front , yavot accroché à chés mézières (mur cadré)
1 ) ch'tuyau d'air comprimé
2 ) ch'tuyau d'ieau
3 ) chés capes électriques ,
4 ) chés ventupes , intre 50 cms et 80 cms ed' diamete
inter deux yavot in ou deux féniesses , chés des portes qui servotent a impécher ch'lair qu'yetot du front d'arvénir "d'su ses pas " et d'monter din l'tal
et faire ech'circuit , pied ed' tal et tiête ed'tal " ché bin cha , hein chés anciens
et ch'te porte , put,,,, qu'al étot dur à ouvrir avec ch'te pression d'l'air , quand in avot rin din ses mains cha pouvot cor aller , mais si in avot ses otieux , et yavot pire , quand in avot un truck avec ech'materiel '( couloirs, cadres , bacs,etc ) chetot l'galère , et pi in fos qu'al étot ouverte , t'avos intéret à l'arténir pour el'fermer sinan bin té prénos un coup d'pied au cul tellemint chetot puissant , j'fais briquet , yé l'heure
in morcieau d'makoche
j'pinse qu'j'ai rin oublié , ah si chés stafanels ,
cha chetot des bacs d'el largeur d'el bowette , suspindus d'su des fers accrochés à chés cates et in équilipe , y faijottent a peu pres 50 cms ed' larche , et n'din yavot d'el chaud , ou tout au moins un produit neutre , cha servot qu'in cas d'esplosion , bin ch'souffe d'air y rinverso chés bacs, et cha impéchot ch'feu d'es propager
et la, d'su in paire ed' mètes , chés mézières y z'étotent chaulées , cha faijot tout blanc et bin clair quand in passot avec nous lampes , même avec chés quinquets, et comme j'l'ai d'ja dit ch'cros, chétot archaulé, surtout quand yavot in visite ed' sécurité
Nan Maurice t'as rien oublié,ché super bien..
même les tafanelles, qui par la suite ont été rimplachées par des bacs à eau in plastic spécial, qui séro désintégré in cas ed coup ed grisou, mouillant toutes les poussières..
J'em permets ed rajouter 2 photos
el groupe ed 4 à l'étage 1000 au 6 bis ed Bruay, chéto en' grande carrure, el pette d'oie qu'in dijo
d'un côté bowette Nord, et à droite bowette Nord Ouest, à l'arrière l'accrochach
et en' photo avec un treul, sin tapis, ché capps éléctriques, el tuyauterie à air comprimé, el tuyauterie à ieau étant derrière el convoyeur..
bin sur qu'ech'té prinds au sérieux théo
cha ché des bielles photos du fond jacques , jamais in aros pinsé à printe in apparel photo , au début , pi ed' toute manière in n'd'avot pas
mais cha m'rappelle d'in photo d'min père au fond avec des copains et avant guerre , j'ai jamais su qui ché qu'yavot fait ch'te photo
el photo Maurice ché pas mi qui l'a pris puisque ej su sul photo, al a été prise par el photographe ed relais Léon Ringot... mi j'em' n'éro jamais permis ed déchinte em' appareil photo,Sécurité oblige.. eusses y avotent des appareils spéciaux...
par maurice devos le, 01/10/2012j'min doutos bin jacques , et suremint qu'chétot interdit ches apparels au fond , pour el desquindrie té sur qu'ché pas al mine imache , j'blaque bin sur, mais in dirot vraimint , tellemint ché propre , bin rocher , des queues d'fer bin alignées , bin éclairée , in dirot même qu'ché carrelé à terre d'su l'droite
ch'panneau chétot pas écrit " interdit d'monter d'su ch'tapis "
( 2 photos)