le trucmuche
par minloute le, 01/10/2012radical, quand qu in éto en vagances à merlimont, j allo querre ch' jurnal la voix du nord, édition bétheune, réservé j' vous f'ro dire au nom de Leconte, chéto l' nom dem' grand mère
ouais faut vous dire que Merlimont chéto eune institution pour nouzautes, j' vous fais cha court, mes parints et mon mononque et ma matante i zallotent passer des vagances à Merlimont , d' abord in faijant des locations
pi un coup, m' grand mère ale a acaté ch' terrain,j' cro qui avo aussi sin frère qui éto dins ch' coup là, pi ch' terrain y a été séparé in deux, et sur chaque parcelle eune donnant avenue de la plage , l aute rue adolphe leroy, mon mononque d un coté et min père d' laute, i zont construit p'tit à p'tit leu mason d'vagances
mi j' su arrivé que tout y éto construit , et entre chez 2 familes, yavo pas d' portal, in allo d eune mason à l aute in passant par ché gardins
mi j avo eune mission que j' vous a parlé au début, j allo querre ch' jurnal à mon du marchand d' journeaux, chéto chti du qui fallo monter eune paire d' marches juste aprés ch' bistrot qui faijo l' coin à droite , juste à coté d' l églisse
mi j' rameno ch' journal am' grand mère qui habito dins l aute mason avec ma matante
aprés vers midi , chéto l' momint d' l apéritif, un coup chez l un , un coup chez l aute, et min père i d' mindo toudis si i pouvo printe l' voix du nord, "bin sur léonce" qu ale répondo toudis m' grand mère ...
mi j' devo cor attinte un tchiot momint , eune fo qui avo bu sin café, et fait s' premiere lecture, ché à dire qui avo ravisé les titres sur bruay et ravisé l' rubrique nécrologique, avant d' faire un tchiot somme, j' pouvo printe ch' journal
mi j allo directemint à la page des jeux, ouais pasque la voix du nord ale organiso un concours, j' vous avoue que j y a jamais participé mais j aimo bin essayer d' deviner c' qui éto caché dans l'trucmuche
en fait chéto un dessin , un grand dessin , du que d'dins i yavo un certain nompe , in savo pas l'quel, un certain nompe d' objets qu in voyo sul' coté du dessin
alors j' passo un bon momint à cacher, quand que j in trouvo pu j' montro cha à m'mère et à sin tour ale fouillo dinch' dessin et j'do dire , j a toudis été mauvais joueux, ou plutot j a pas ker perde, j' éto pas contint quand que m'mère ale in trouvo des objets que j avo pas vu
cha y est min père i s' reveillo, et là trucmuche trouvé ou pas, chéto l' branle bas pour partir à la plage ....
mi, j'avos caire "el professeur Nimbus" sur la Voix du Nord
Aprés y'a eu "Pilote" qu'ej lisos , y'arrivot l'Mercredi al maison, je m'rappelle core que j'arrivos toudis al maison avant min frére Joel et pis ej pouvos pas l 'lire avant li, y'étot sul tapp mais j'avos pas l'drot di toucher...
Un jour , i racontotent l'histoire d'un tiot ed Marles (i d'vot avoir 13 ans) et y'avot sauvé einne tiote ed 3 ans qu'al allot s'faire écraser par un train à Quénhem .
ej vos core ch'dessin qui z'avottent fait, in l'voyot qui plongeot sul tiote qu'iallot à l'incontre d'ech train ..
Qui sait peut ett que nott héros d'Marles i lit histoires de chti..
Y'habitot such' Boulvard Gambetta si je m'rappelle bien.