Bruay, l'église et le boulevard du N°6

J'sus désolé d'vous mette une photo pas trop nette du Boulevard du 6 mais in va faire avec pour Totoffe. Et pour em faire pardonner j'mets une photo de l'église du 6 à inne époque d'avant 1970. In vo cor les anciennes pallissades autour.

El boulevard du 6, qui va dech carrefour à l'ancien dancing Hélène jusque el fosse 6, in l'appelle aussi bien boulevard du 6 que l'avenue du 6.
En fait il est in partie sur Bruay (jusque l'églisse et l'école Jean Jaurès) pi après il est sur la commune d'Haillicourt jusque l'fosse 6.

El boulevard, i s'appelle Avenue Augustin Flament sur Bruay et l'Avenue des Fleurs sur Haillicourt. Ché dommage que l'photo que j'ai al est pas nette, passque au fond ché l'chevalet qu'on vo en ombré. On est en train de rénover ché maisons (sablage etc) et cha a déjà inne belle gu...

L'églisse al do rappeler grammint d'souvenirs, et entr'autre'aute chez là derrière qui avo el salle de réunion des Scouts. Mais aussi quette cosse de moins connu, ché là que l'père Léon (Braure) des Emmaûs i avot fait sin début de curé vers 1968.
Repartir ailleurs et arvénir 2 ou 3 ans après créer les emmaûs sur el carreau del fosse 3. J'in reparlerai longuement un de ces jours. Mais i faudra que Totoffe i prenne des cours ed patois.

cha ché un viux et bieau coron , y éxiste toudis ?

Pour réponde à Maurice, ouais cha existe toudis, et comme je l'ai mis rapidement, on est en train de faire des travaux de rénovation super : sablage et rejointement des murs, nouvelles toitures etc...

Par contre, i faut souligner que, din l'région d'Bruay, cha do ette l' seul coron avec des maisons comme ché lalles. J'veux dire des maisons avec des "chiens assis" et des murs un peu recherchés. Ché curieux d'ailleurs, passequ'i m'semble que quand on rapproche ed Liévin et Lens, ché une architecture qui est plus courante.

Par contre, c'qui est fort bien ché que pour arriver à ch'boulevard du n°6, on passe devant l'école Marmottan, tout à fait typique du Bassin Minier. Et après on emprunte el rue des Etats Unis, un long coron en "bandeau" qui a aussi été rénové, avec en perpendiculaire el rue du Mississipi, un coron beaucoup plus ordinaire qui est aussi rénové.

Cha fait que si in veut faire vire à des visiteurs quelques exemples de nos anciens quartiers, ché possipe sur quelques centaines de mètres.

J'souligne in passant qu'à l'aute bout de Bruay, in va rénover el cité des musiciens, el long del route nationale, et cha va valoir aussi l'coup d'oeil.

ej' voudro rectifier l'appellation du boulevard du 6 et un nom ed "coron"..

in effet ché corons y sont ed part et d'autre ed' l'avenue.. mais el non del rue avant chéto l' Avenue du Sahara, sur Bruay, et Avenue des fleurs ed l'église St Joseph jusqu'al Fosse 6 à Haillicourt.

Par la suite ché devenue rue Augustin Flament sur Bruay, et Avenue des fleurs y est toudis restée sur Haillicourt, javo fait en photo el 30 septembre 2012 du bout ed l'Avenue des fleurs, vers ce qui nous reste del Fosse 6
ci-joint la photo