lever d'un tiot galibot (suite)
par maurice devos le, 03/10/2012comme j'ai oublié des détals d'su l'aute commentaire , j'vas arvénir un tiot peu in arrière
j'peux pas faire autremint qu'ête dire , qu'in n'avot note tiot train qui nous attindot al'sortie d'el gayolle
in s'rot cru à Paris d'in in gare ed' métro , avec chés bousculates (nan ché pas vrai), mais in voulot surtout avoir un barou prope , bin ouais à l'époque chétot cor et seulemint des barous , et ché la qu'yavot un problême , yavot pas b'soin d'mette sin nez n'din , pour savoir s'qui restot au fond d'ech'barou
et pi bin sur in étot bin obligé ed' printe c'qu'yavot, et par précaution in n'avot tertous note tiote planque , coupée al mesure , d'ech'bombache d'ech'barou , au moins même si nous pieds y trimpotent en'din, in etot assis au sec , mais pour ech't'odeur fallot faire avec
j'ai vraimint jamais su si chétot autorisé, chétot au moins toléré , mais chétot pour el bonne causse , enfin ed' toute manière cha faijot un train d'barous qu'yarrivot in même temps qu'nous, et pi bin ch'loco al arpartot pas à vide , mais avec un train d'balles
in étot à deux par barou, face à face in pouvot pas grammint discuter , passe qu'malgré tout avec chés gros archucaches , et pi ché rals qu'yétotent pas vraimint réguliers, fallot aussi faire gaf à chés mézières des fos , et même souvint cha passot tout près , et yavot aussi ech' tac tac tac comme din chés trains din l'temps