al tal' st Victor

j'abandonne el devanture , trop dure ach'teur am'n'ache "19 ans", ch'porion ya donné chés parcours , j'ai pris 4 bacs "6 metes" din in tal aussi irrégulière qu'chelle la , al peut faire 2mètes 20 pour arvénir à 50cms et arpartir à 1 mète etc
in plus ech'tot y miette grammint donc pas d'seur chés plumes faut prévoir soit des queues in bos et l'plus souvint des planchettes , et pour plus d'amusemint ch'daine chés des rouffes , ché à dire du caillot, cha ma toudis fais pinser à du "mica"

cha s"effeuille un tiot peu comme ed' l'ardoisse , et ché fort coupant, donc pour boiser bin y faut faire un potiat " tros din l'daine " sinan ch'bos y risque ed' riper, grammint plus ed' boulot des fos avec in tiote prime " mini " pour difficultés

premier traval ouvrir ech'cadenas , comme ech'ti qu'Sopraniste ya mis un photo ch'dernier coup , et sacquer ses otieux , el goutte dhuile din ch'picqueur comme Daniel Poquet la signalé , in avot note tiot bidon d'huile , et des fos pour immerder ses copains , in mettot in gousse d'ail , intre ch'piston et ch'l'aiguille, cha niflot HUMMMMMMMM, in branche ch'boyau d'air comprimé , ché prêt , et la l'air comprimé yé ouvert , ch'blindé mis in route , et comminche ech'boucan , bin sur pas d'casque anti bruit , pas d'gants " ch'su pu sur "

picqueur din s'main in s'intique intre deux bos d'fer , ché pas larche , maxi 70cms et cor ,,, in passe ses deux bras pas d'seur ch'tuyau d'air comprimé , et pi ch'cape d'arrêt d'urgence d'ech'blindé , et in intique ch'l'aiguille din ch'carbon , ché premières gaillettes ed' façate y quètent facilemint , in rintique ech'picqueur et quand qui tient tout seul, la in s'met vraimint un plache selon l'ouverture , soit à génoux , soit ed' bout ou alors el plus mauvaisse position pour mi , ché génoux pliés appuyés d'su ch'tuyau mais bin sur sans forcher ch'l'appui

et la in peut yaller , tout in tapant du piqueur faut surveiller ch'carbon du bord qui peut s'délaver , surveiller ch'blindé pour chés grosses gaillettes , " bin qu'si cha arrif ech'gars d'pas d'seur y gueule un coup pour prévenir , et pi bin sur surveiller ch'tot, et à l'occasion faire querre s'qui est un risque , soit avec ses mains si ché bin décollé , soit un tiot coup d'picqueur , et ché parti pour ch'poste

et la tertous in même temps in tape du picqueur ya ch't'odeur d'huile qui arrif illico din nous narines , d'ailleurs à chaque fos qu'j'arpinse à cha ché toudis l'première cosse qu'ech'pinse "ch't'odeur"

bon j'vas vraimint attaquer après midi ou d'main , la yé l'heure ed' diner , faut qu'ech'prinds des forches
bon appétit

Acoute Maurice , ché super bien dit,même pas en' ziquette à rajouter, prépare tin briquet pour edmain matin, à nan edmain ché diminche; té nous arparlerra ed tin trait din tes 4 bacs lundi, faut que t'arprint des forches, car y a cor el ripach' , el boisach' et pi el déboisach'..

Dans notre taille ecole (elle s'appelait NARCISSE), je l'ai déjà dit, l’équipement était digne d'un musée. Aussi,quand il y avait un arrêt dans la desserte (bande arrachée, manque a vide (plutot rare)) dans la partie piqueur, on se dépêchait de "quarquer ch'blindé), c'était un AMD3 petit blindé qui marchait a l'air comprimé.

Aussi quand ça remettait en route, le blindé était bloqué!!! et vas y marche avant et marche arrière et sans arrêt ça "gueul..." vas y ahue arcul Allez décharger le'blindé!!!
bref on ne finissait pas notre parcours et c'est le pôste 2 qui finissait les stots et comme on était payé, à cause de l'incident en moyenne quinzaine, on perdait pas beaucoup!!!! alors ce cinema se répétait souvent!!!!

Mais c'était le bon temps!!!! On a fait tourner "bourrique"" plus d'un chef de taille!! et ça n'a pas empêché quelques élèves mineurs de devenir à leur tour des agents de maitrise aux qualités appréciés (dont votre serviteur).
L'apprentissage il y avait de bon cotés quand même!! A l'instar de Mr DEVOS qui prenait 4 bacs, nous on avait d'office 6 bacs (9m) des jours on finissait, des jours pas!!!!

j'voulos signaler qu'chetot pas diner , qu'j'allos faire mais briquet
cha yé j'peux attaquer , in s'intind d'ja pu , et l'poussière ché terripe , pourtant ya eu d'l'injection d'fait din l'nuit , soit qu'cha n'a pas bin fait s'n'effet , soit qu'ché d'ja arséquit ( cha m'etonnerot ) min tros pour em'mette a longueur " 1 mete "yé d'ja bin avinché , cor in vingtaine ed' cms et j'pourrai passer a veine mes bras y comminch'tent a ête trop court ,mais pour passer a veine y faut passer pas d'seur ech'tuyau d'air , injimber ch'blindé ya pas grammint d'plus d'50 cms intre ch'tuyau et ch'tot , j'préviens chés copains pas d'seur et hop ech'grand saut

j'avos préparé mes plumes , "mortaises" in avant et posées d'su ch'tuyau , bon j'passe a veine ché pas bin larche,comme ech'tot y miette grammint , vaut miux qu'ech'mette em'première plume avec planchettes au plus vite , cha yé cha dot ête bon , saque em'plume , in l'faijant glicher d'su ch'tuyau , ch'pose el mortaise d'su ch'daine , in ravisant vers el'tiête ed' tal , si ya pas ed' gros morcieaux qui arrivtent , et j'attrappe ech'tenon qu'ech'saque , comme cha l'plume al est verticale , 2 secondes ed'pose pi j'acclape el plume in l'soulevant pour qu'al rinte d'in l'mortaise d'el plume qu'yavot été posée l'vel , ech'soulèf d'em main droite ch'coté mortaisse pour el coller ach'tot , et d'el main gauche j'intique el biloute , cor 2 secontes d'arpos et avec el tiête ed' min pic ech'serre el biloute in tapant d'su, tout cha cha parait long , mais cha va GRAMMINT plus vite a faire qu'a dire " heureusemint" d'ailleurs
et j'répète, comme cha miette grammint vaut miux abatte, et mette in plume aussi vite ecqu'possipe,et ché pour cha qui vaut miux printe six metes et rester in sécurité ,qu'plus et printe des risques

cha va d'ja grammint miux , ché bizarre mais j'em sins in sécurité ichi, plus qu'ed'taleur quand j'etos a stape , pourquo bin nsuremint passe qu'ya pu ch'blindé intre mi et min camarate "ech'carbon" et cha continu à avincher in tapant jusse du qui faut avec sin picqueur " din chés limés d'carbon " ché in régal d'el vir querre directemint din ch'blindé,ché ch'plus facile

j'ai d'ja bin fait tros mètes , quand j'intinds crier " matériel " et même des fos quand ché du gros, ch'blindé y'arrête , y arpart et comme cha jusqu'a qu'chés galibots y ont tout mis d'su ch'blindé, et la in vot défiler des queues d'bos , des queus d'fer , des bilettes
et la y faut faire TRES attintion passe qu'avec chés s'cousses d'ech'blindé des fos ches queues et surtout chés bilettes " plus lonques , cha tourne, et ch'risque d'épautrache yé énorme, bin sur nous in traval pas in survel , et bin souvint in arpousse d'in tiote pich'nette pour ardrécher s'qui comminche à mal partir, et ché arparti

y m'manque des planchettes , j'gueule un coup "planchettes" très vite cha arrif, ech'mot ya passé j'peux continuer in toute sécurité, y m'resse pu qu'em'n'estau à foncer cha ché s'qui va l'plus vite
j'vas pouvoir tailler in tiote bavette avec min camarate youn , qu'yé din ch'parcours pas d'sous l'mien , in buvant un coup à nous boutelot , et in va attaquer ch'daine , din l'sens contraire ché à dire in montant , et boiser à veine si ché necessaire
j'arsu crevé charai betot briquet