arprisse du boulot
par maurice devos le, 29/10/2012bin ouais j'ai été obligé ed'printe in semaine ed' congé , trop crevé apres ch'te journée d'abattache al tal st Victor
cha yé j'ai foncé em'n'estau , j'mets l'dernière plume , avant d'arjointe min camarate Youn , qui m'attind avec sin boutelot din s'main , j'ai été querre el mien à stappe , vingt diouss qu'ché bon , d'el l'ieau avec du café , in s'essuie s'figueule avec sin béguin , et in arbot un coup tout in discutant d'chés difficultés rincontrées , et in ravisant à veine in s'dit qui faut qu'in s'dépêche ed' boiser à veine ya des risques ed' délavaches , surtout din ch'parcours ed' min camarate ducqu'ya in ouverture ed' plus ed' 2 mêtes
j'savos pas a ch'momint la qu'j'arveros pu min camarate Youn vivant,,
j'attaque un potiat, avec ed' z'ouvertures parels , ché bos d'fer sont bin sur plus lourds à manier, j'in saque un d'ches stappes in l'saississant par el clavette , bin sur el tiête d'ech'bos d'fer in avant, j'posse el tiête d'su ch'daine , ch'pied toudis posé d'su ch'tuyau d'air , et bin sur toudis in jétant un n'eul d'su ch'blindé in surveillant si ya pas ed' gros morcieau qui pourrotent cor arriver , bin qu'in fin d'poste , normalemint ya pas d'problême , ché surtout in BONNE habitute
la j'attrape ech'pied, j'el soulèf et in fos al vertical j'el laiche querre , pied quasimint din ch'potiat , l'printe par el tiête et l'soulever , j'etos bin visé y gliche facilemint din sin tros , in bonne aspiration , et l'vla ed' bout , 2 scondes d'arpos , d'el main gauche j'attrappe el tiête d'ech'fut , j'el soulef j'usqua 20 cms d'ech'tot et d'el main droite j'mets l'bayonette din ch'tros adéquate , donc j'ai em'main gauche tout in haut d'ech'bos d'fer et em'main droite au mitant , "essayez d'mimer ech' geste" cha sra plus facile à comprinte
j'prinds ch'plot "demi raccourche" qu'j'avos préparé et j'el plache d'su l'tiête d'ech'bos d'fer , j'armonte au maximum el l'tiête toudis avec em'main gauche et d'el droite j'sers el bayonnette , j'peux m'arlacher un tiot peu sans bin sur lacher ch'bos , d'em main droite j'rinds min pic , et ch'tape d'su l'bayonnette , cha yé tout yé serré , ya pu qu'à rinforcher in comblant chés tiots vides intre l'veine ech' bos , ouf j'sins qu'ech'va ête obligé d'arprinte in semaine ed' congé
(j'ai d'el visite j'invos)