un temps à récitation
par minloute le, 04/11/2012si si ch' est un temps à récitation, taleure j a bravé ché zéléments, j a mis ché bottes, ch' mantiau, ch' capio et in route sous l' drache
que voulez vous, comme ale dit grand mère, ti t es un vrai escargot ti, dès qui pleut faut qu'té so dehors
mais mi j a ker marcher dins l' bourlique, intinte ché gouttes d 'io querre su min capio ...et passer avec ché bottes dins les flaques d io ...
in va pas m arfaire ...
en arvenant, j'raviso ché zarpes, et j ' m a dit que chéto un temps à récitation ...
souv'nez vous quand qu in éto tchiot in avo dro chaque année en primaire à eune récitation à apprinte selon l' saison qu in éto
mi j a pas d' souv'nirs précis d' ché récitations , pas d' mot à mot , mais j' me souvins bin du sens ...
j' vous l' fais un patois, mais comprindrez facil'mint , cha faijo du ginre
"ché feules ale mettent un mantiau pourpe" , "ch' sol y éto arcouvert d un tapis rouche végétal", "derniers zéclats d' couleur avant d' querre à terre, comme un pied' nez à monsieur hiver", "flamboyance des couleurs du qu'el rouche i s' oppose au jaune vif", "odeurs d' terre qui s' dégageotent des feules qui jonchotent l' sol", quo qui avo cor ?
ah j oublio ch' fameux "vint d automne" ...
in v'no sublimer la vue,le toucher, asteure l' odorat, minque pu que l' ouie...
"l' bruit des bogues d' chataines qu in écraso à not' passache"......
in éto contint quand qu in arrivo au bout del poésie , et qu in cito l' tite de chti qui nous avo fait souffert à apprinte ses vers ....
chéto souvint du Maurice Careme ou du Théophile Gautier .......
alors à nous d apprinte tout cha , après al' réciter à not' maman ...
"arcomminche tel' sait pas cor", "arlit le cor eune paire d' coups" .....
bin joli d' nous raconter l automne , mais pourquo qu' ch'est si dur à apprinte ?
l' prochain cop minloute i va nous réciter l'histoire de 2 escargots, qui vont à l'interremint d'eune feuille morte avec le cèpe autour des cornes.
ché t'une récitation de saison.
mi aussi j'ai caire quand i pleut, ej sors sans parapluie , ej m'artiens mais ej sautros bien dins ché flaques d'ieau aussi...et pis ché de l'ieau bénite cha ké du ciel .
Ché bieau ché 2 escargots qui vont à l'interrmint d'eune feulle morte , ej l'ai déjà intindu mais j'm'in rappelle pus
( 2 photos)