Leur communion
par chtitalienne le, 05/11/2012L'cloche al vient d'sonner l'récréation, j'auros plus caire rester dins l'classe ché jours chi (ej sais djà c'qui m'attind dins l'cour), j'ravisse l'maitresse avec des yux d'quien battu, al va peut ett comprint...
Sortez qu'al dit, al a pas compris..
Les vla déjà autour d'mi à ricaner et canter
Elle fait même pas sa communion---e
Elle fait même pas sa communion---e
Elle fait même pas sa communion----e
On est pas obligé qu'al leur répond m'copine Michèle
Si qu'on est obligé sinon ça veut dire qu'on est l'diable.
J'hausse mes épaules et ej m'in vais dins ch'préau .
Ej serre bien fort dins m'main un tit carré in bos qu' min pére i m'a fait pour juer al cule..
Ouais min pére , c'est de s'faute si Dimanche j'aurai pas einne bell rope ed princesse
C'est de s'faute si Dimanche ej pourrai pas minger d'moka avec des dragées d'ssus
C'est de s'faute si Lundi, mi, ej vas devoir aller à l'école et Elles al auront l'drot d'pas venir.
C'est de s'faute si j'aurai pas d' tite croix in or à faire admirer et à confronter avec chelle des autts..
Dimanche matin , j' mettrai min pantalon corsaire bleu et blanc, imm' va bien qu'in m'dit toudis, j'irai avec min pére faire ch' tiercé, n’impêche qu'ej voudros bien aller jusqu'à l'égliss pour les vire sortir.
L'premiére communiante qu'al est juste derriére ch'curé quand i sortent , ché chelle qui y'a donné ch'plus gros poulet qui dit min pére.. Cha s'ra peut ett einne de m'classe.
Elle fait même pas sa communion ---e
Elle fait même pas sa communion ---e
nan ché pas d'es s'faute , ya fait c'qui pinsot ête bien pour ses infants , mi nan pu j'l'ai pas fait et j'y dis merci , bravo PAPA , t'as pris in position courageusse , surtout din chés temps la ducqu' qu'ech'curé y comptot plus ecqu'des gins soit disant "mal pinsant"
et j'voudros rajouter sans m'étaler la d'sus , qu'j'in connos in paire qu ont argretté d'l'avoir fait , et pas mal d'autes qu'yont tourné l'dos à chés soit disant "bien pinsant"
BRAVO PAPA
al' reflexion, et j' vous assure que j y pinse quequ' fos, ch' t histoire d' communion cha m' turlupine toudis , bin d' zannées après ...
j a fait mon catéchisme, j a fait cha avec l' Abbé Eripret, Soeur Marthe, pi l' Abbé Grard ........
min père y éto catholique pratiquant, i allo al' messe du diminche, i allo aussi à celle des rameaux, i allo aussi al' messe d' minuit
j' sais qui connaisso du monte dans les "sphères catholiques" d' bruay et meme un peu d' arras
et l année du que j' devo faire m' communion, j a dit à min père que j' voulo pas la faire
que pour mi chéto surtout un moyen d avoir des cadeaux pour mes camarates
bin min père, y a rin dit , am' mote avec bin du r'cul y a du aller vire l' Abbé Grard ou l' abbé Eripret pour li dire que j allo pas faire m' communion ...
preuve quand meme d eune certaine tolérance ...
j a donc pas eu d' cadeau, mais quequ' zannées plus tard, pour mes 15 ans, j a eu dro à avoir m' premiere montre, in l avo acaté à ch' l horloger rue du barbier
Pauff Léonce cha du ett eunn montée à l'échafaud l'jour qu'ia du aller dire ach'l'Abbé que sin garchon i voulot pas faire s'communion..