el cité Pasteur à Liévin

salut tertous, j voulo savoir si quelqu'un connaisso el cité Pasteur à Liévin, ché des tiots baraquements entre el cité d' Calonne du 16 et des marichelle, tout prés dech cimetière nord

cha chéto fait pour ché evacués ed Calais pendant el 2eme guerre mondiale et qui vont démolir dins peu d'temps!!!

si quelqu'un connaisso des gins ? car toute eme famille maternelle et paternelle eto d'la bo j'vas printe des photos avint qui z' abattent

j attinds vos messaches avec impatience!!

salut tony , s'ro ti je m'dépêchero d'prinde des photos , si ché déjà pas trop tard . j'ai connu du monde aussi dins c'te cité .
ya un gars qui pourro t'donner des rinseignemints ché Kiki (christian de Liévin ) je l'conno bien , j'va i in causé tout suite .
li i prind grandmint d'photos , et j'ai vu des photo de c'te cité y a moins d'un mos .
passe eune bonne journée , et j'te souhaite des bonnes recherches.

S.O.S., ch'ti qui peut aller printte des photos, i faut qui court passe que là ché notte patrimoine qui fout l'camp.
je n'savo pas qu'in pouvo cor trouver des baraquements, à m' connaissance dins l'région de Bruay inne n'a pu. J'in conno cor un (j'vous l'ai déjà dit) ché sur un terrain privé à Ruitz. Comme i a pas urgence j'armets tous les jours d'y aller, et même que min camaratte qui en est l'propriétaire i m' a demandé quand ché que j'allo vénir.

Y a pas l'fu mes gins , ché pas des baraquemints qui sont là à l'cité pasteur, ché des tiotes masons in dur , pour l'instant deux masons y sont démolies, bin sur y n'a des vides et j'ai déjà fait pas mal ed photos , mais la y sont sauvagardées d'ssus un disque dur, vous les verrez prochainemint.

Concernant chés gins qui habitotent là, j'in connos pas, mais j' sais qui l'ont gros d'ssus la patate ed devoir sin aller.
A dé mes gins , j' vous mettrez des photos d' l' cité .
kiki, christian ed Levesano.