aut' souvenir d'el neiche 2

in suivo ch' cours sag'mint mais in ravisant d' plus in plus du coin d' leule si cha commincho à querre dehors ..

ch' maite i s apercevo qu in éto d'moins en moins concentré, cha croiso et décroiso ché gampes sous ché pupites, cha esayo d' j'ter un r'gard vite fait in direction des farnietes ....

plusieurs coups ch' maite y a fait claqué s'règle such' coin du bureau ...

j' avo un camarate d' classe qui éto , commint vous dire, y avo pas d' bons résultats à l école, et yéto plus souvint à cacher ché tétards dins ché mares ou à courir ché rues such' grand vélo d' sin frère ......

alors li comme i tindo sin cou à s' détacher s'tiete d' sin corps, ch' maite y a invoyé un bout d' craie dins s'direction et y a dit "t as pu interet à faire l' grue sinan té vas avoir des lines à faire at' mason pour demain, pi signé par ché parints"

li cha l a arfroidi , faut dire qui nous zavo dit que quand qui avo trop mauvaises notes i avo dro ach' ceinturon ... et pourtant quand que té voyo sin père, chéto un merguélo, t auro jamais cru qui s'rot comme cha, preuffe qui faut jamais faire confiance à ché gins ...


mais chassez l' naturel y arvient au galop, j' sais pu qui z' a vu in premier, mais in tout cas min camarate i a monté sus' caielle pour vire querre ché premiers flocons

yéto tel'mint contint qu en ardéchindant y a pas pu s impécher d' pousser un "ouais" d' joie

ch' maite i s a artourné, ya vu que chéto li, mais , faut accroire qu' ché dieux d'la météo i zont eu pitié d' li, d un seul coup ché pas quequ' flocons qui a comminché à querre, mais ché eune tempete d' neiche qui a comminché à frapper ché carreaux

cha a été tel' mint rapite et innatindu, que ch'maite y a meme rin dit à min camarate et y a ravisé par l' farniete

nous in a comminché à pousser aussi des "ouais" d' contint'mint ...

vous dire si ch' maite i éto dans un bon jour, ouais ché sur, ptete aussi que ch'éto à l approche d'noel, cha ch'pourro pu vous dire, in tout cas, y a ravisé un bon momint par l' farniete

pi i nous za dit d' approcher, EN RANG, SANS COURIR, pour qu on ravisse aussi par l' farniete

pour querre , cha quéyo, et nos derniers doutes étotent levés , cha teno tout d'suite au sol

vinguette , cha prometto eune sacrée récréation, in s'voyo djà in train d' faire des bonhommes d' neiche, et j' vous jure que chéto parti pour ...

in ravisant par l' farniete, in a vu qu in éto pas l' seule classe dont ché zéléffes étotent en train d' raviser la cour d' récréation .........

in a artourné à nos plaches, et j' peux vous dire qu in suivo plus facil'mint l' lecon dech' maite, in j'to un tchiot coup d eule su la droite, et chéto un véritape rideau blanc qui s abatto dehors

l' heure d' la récréation alo sonner, et vla ti pas qu on vient toquer al' porte
ch' maite y dit d intrer, chéto l' aute fayot, ch' l éléffe préféré d' la classe de Mossieur le Directeur

y a rintré pi y a dit "monsieur le directeur y a dit que durant la récréation , les zéleffes serotent cantonnés sous ch'préau"

gros momint d'déception, que ch'maite a vite fait taire un artapant un coup avec s' règue such' coin du bureau

l ' aute i quitto djà l' classe, car i devo faire l' tour d' ché classes, mais djà qu in l avo pas ker, mais d'vire sin sourire commint vous dire , ouais sin sourire d' fayot, in li promettant sournois'mint d' li faire s' fete ....

Y'a oublié dire Bonjour l'autt fayot d'ech Directeur ou quoi la ???