Les jardinsin bocaux la suite
par minloute le, 23/11/2012ché cornichons dont in faijo les conserffes, cha avo rin à vire avec ché riquiquis qu in trouve asteure en vinte dins ché magasins ...
nan, nan, pi au gout rin à vire, cha craquo sous la dint, chéto bin plus fort en bouque .....
alors mes gins eune pétote au four qu in a rajoutté du sel d' sur , un morceau d' paté d' viante et, ou, ouais chéto plutot "et" un morciau d' saucisson à l ail, tout cha couronné par 2 morciaux d' cornichon...
mon diu que malheur ....
ché conserffes chéto pas toudis l' réussite à chaque coup , y a des fos in soul' vo l' couverque et là in voyo qui yavo del moisissure ou alors que ché hauts des cornichons i zétotent comme flappis ...
mais in résumé, chéto quand meme eune sacrée saveur, tout comme ché conserffes qui faijo aussi avec ché gros zognons, parel très piquants
rin à vire avec ché crottes d' lapin qu in veut nous vinte sous l appelation "oignon" ...
pi d' famile en famile, in faijo pas forchémint les memes conserffes, mi j a l' souvenir d avoir mingé des bet'raffes qu ale zétotent dins ch' vinaique , bin vinguette chéto sacrémint bon
asteure , in in fait d' moins en moins, faut dire qu in est pu si nombreux qu' cha à faire un potager, pi y a l' solution d' facilité, acater "cha" dins ché supermarchés, mais in l' sait tous, cha n a quand meme pas grand cosse à vire avec c' qu in pouvo minger quand qu in éto jone
