l age d or des nouvelles galeries

j auro meme du mette des majuscules à "Nouvelles Galeries" , pasque ch' magasin là i avo bonne réputation , ou plutot , in devro dire qu in y allo y acater d' zartiques qu in trouvo là à des prix cor raisonnappes

l' age d' or des Nouvelles Galeries, chéto bin sur avant l installation du magasin Carrefour à Labuissiere, j' dis bin Carrefour pasque chéto ch' t enseigne là avant de d'venir Cora

en "grands magasins" à Bruay , nous in fréquento Libéral , ch' magasin pas loin d' la gare , rue Jules Guesde, am' mote que chéto après la fermeture du magasin Prisunic qui yavo au Cercle

in allo pas à mon Cédico qui pourtant éto plus près, y éto situé dins l' prolong'mint d' la rue raoul briquet en direction d' haillicourt, presque en face dech' passache à niveau

vous dire pourquoi qu in y allo pas, j' al' souv'nir que m'mère ale dijo que chéto pas prope à l intérieur


yavo aussi ch' magasin Priminor qui éto situé rue des escaliers et qui donno aussi sur la rue du centre ...

mais chti qui allo souvint, en fait en dehors d' tous ché zachats alimentaires, chéto les nouvelles galeries

dins ch' magasin là , tout comme ch' magasin Prisunic, y yavo 2 parties bin distinques, eune qui éto en libre service, chéto l' coté alimentation, té rintro à la fin avec des tous tchiots caddies, mais plus souvint , comme in faijo cor ses courses plusieurs coups par semaine, et que tout l' monte , loin s en faut possédo eune carette, y avo donc à l entrée des especes d' grands cabats in plastique d' couleur rouche si j' me souvins bin du qu in metto ses courses
chéto l époque du qu in voyo grinmint d' gins faire leu courses avec des chariots à provision, montés sur roulettes et qu in tiro d eune main

l' aute partie dech' magasin chéto comme dans l esprit des magasins nouvelles galeries qui yavo à paris

chéto comme des mini ilots du qui yavo des bacs d' marchandisses que té pouvo acater, mais là yavo à chaque plot eune caisse, pi eune vendeusse qu ale éto responsape de chte zone

in y trouvo coome j' dijo des produits à prix interessants, in tout cas moins chers souvint que dans les tchiots magasins qu in pouvo chacun avoir dins nos quartiers
ou alors des produits d' qualité léger'mint inférieure à c' qu in pouvo trouver dans des magasins espacialisés

j' pinse à des portefeules, des porte monnaies des tupes d' roujaleffes, des sacs à main, mais aussi des cahiers d' coloriache, des stylos bille, des foulards, des parapluies , etc etc ...

j avo ker y aller am' mère , pasque j avo souvint drot à un tchiot cadeau, oh chéto eune boite d' quat' crayons d' coloriache, mais j avo ker y aller aussi , chéto pour l odeur, j a toudis aimer l' odeur du cuir qui s'dégageo des zartiques d' maroquinerie

Carrefour i s a installé, au début in n a intindu sur ch' magasin là, " va pas t'nir" , "l' viante ale est pas bonne", "pi faut y aller cha fait eune trotte" .....

les premiers qui ont l' plus d' mal , ch'est ceux du qui yavo pas grinmint d' parking, ouais pasque ché gins i s' sont vite habitués à pouvoir faire des grosses courses, "pour la s'maine" , faut dire aussi que ché zhabitutes d' vie ont cangées
fini pour ché femmes d' passer eune partie del matinée à aller chez l un chez l aute pour acater s' viante, ses légueumes, ses conserffes ...

p'tit à p'tit ché grands magasins d' centre ville, autant i paraissotent "dins l' coup" dans les années 60. autant avec l arrivée d' un supermarché , tout a cangé , et l un aprés l aute, i zont freumé leu portes

Oui ché vrai Minloute, et pis à ché Nouvelles Galeries y z'avotent leur marque à eux chéto "Nogamatic", notammint pour ché électrophone passe qu'y vindotent des postes et des électrophones juste à l'intrée rue nationale.
Ach Prisunic, si mes soun'irs sont cor bons, y z'avotent aussi leu marque à savoir "Arc en Ciel".

Mais d'in l'rue Cadeau, y'avot un grand magasin COOP et là y vindotent des meupes.
A la gare al plache d'el fouillerie, chéto aussi un magasin Coop.
Et j'vous parle là des grands magasins. Si quequ'un peut conforter mes dires sur el magasin Coop rue Anatole France et ch'ti là à la gare. Merci

un peu tardiv'mint j'viens d'm'apercevoir que j'avos une publicité donneurs de sang sur les Nouvelles Galeries
j'vous l'mets in photo