l' magasin de la coopérative

in devo monter des marches pour acceder à l intérieur du magasin

in éto pas cor au temps du libre service, yavo su la gauche un grand comptoir en zinc, et derriere yavo eune dame qu ale servo les produits qui étotent rangés derriere l' dame dans des grands rayonnaches

"quo qu' ch est qu' vous voulez " " eune boite d' sardines", "pi cor ?" "eune boite d' cornedebif" " un kilo d' chuque en morciaux"

ché sur qu on vindo du chuque dans ch'te magasin car yavo toudis queques grains qui restotent such' comptoir et cha crisso toudis un tchiot peu quand qu in avincho ses commissions vers la caisse

ouais pasque au bout du comptoir , près de l entrée , yavo eune dame agée (qu ale porto eune moustache, cha m avo marqué quand que j éto tout tchiot) et ché elle qui buquo tous les produits un par un, et je me souviens que par momints al' faijo tourner comme eune manivelle sul' coté d' la caisse et que cha faijo avincher ch' papier
bin sur quand qu ale ouvro ch' tiroir in intindo comme eune sonnette

j avo oublié d' vous dire que si su la gauche ché magasins étotent derriere un comptoir, su la droite y avo ché légueumes qui étotent dans des cageots mis d' biais à mi hauteur

au fond d' chaque coté d' eune porte, yavo cor d autes rayonnaches, chéto surtout des conserffes, des paquets d' cafés, des bouteles d huile et d' vinaique tous au garde à vous en attindant d' ete acatés (sans parler des saucissons accrochés par chi ou par là le long des étagères)

tandis qu au sol dans un coin , yavo ché gros condition'mints comme ché sacs d' pétotes

l' fameusse porte chéto plutot un rideau à lamelles qui donno sur eune arriere boutique, du qu in voyo sur eune tape eune machine pour couper ché tranches d' jambon ......

pi y a eu l' momint du qu in a comminché à parler d' l ouverture d un supermarché à labuissiere , pi cha a été aussi l' momint du que le mouvement "coop" y a cangé , y a voulu évoluer vers de "tchiotes moyennes surfaces"

et là in pourro dire qui zont entamés ch' mouv'mint mais chéto , in tout cas pour mi, cha a été un mouv'mint qui a pas été jusqu au bout d' la démarche

ch' fameux magasin coop qui éto in haut d' la rue anatole france, y a déménagé in bas d' la rue , presque au niveau des quat' chemins

ch' est sur que ch'magasin y éto plus grand qu in haut, ch' est vrai qu in pouvo faire ses courses avec des "mini caddies" ,ch' est vrai qui yavo plus d' choix, et ch'est vrai que ch'éto enfin un magasin en libre service ....

par conte ...

yavo pratiqu'mint pas d' parking alors que tout douch'mint ché gins vont s habituer à printe leur carette , à aller faire "le gros des courses" eune fo par semaine .........

niveau prix, ch'éto quand meme moins cher quand qui y a eu l ouverture du magasin carrefour ...

pi savez l' fait d' déménager et d aller s' situer in bas del' cote, meme si ché qu un cang'mint d' 400 m , cha l a excentré et y a pas mal d' gins pour qui, ch' nouviau magasin y éto asteure trop loin

aprés que vous dire , ché que ch' magasin là, cha a pas arrété d' canger d' enseignes, mais sans grantes réussites, que voulez vous ... comme on dit en inglais "no parking, no business"

vinguette vla ti pas que j' parle inglais asteure....