la fin des commerces rue Anatole France

nous vla chi à la fin des magasins, am' mote qui yavo ch' magasin NEN, magasin d' alimentation , pi l'dernier ichi chéto chez madame Vangeldher, qui vindo surtout del papetterie et du matériel scolaire, tout cha avec la framacie pour fermer la marche

et pourtant voyez j in a oublié des commerces, du qui yéto willaume ? du qui yéto ch' marchand d' légumes Mr Lecygne ? ...

sans compter ceusses que j a pas cité, vu que mi j' su né qu en 1960

asteure in va pas s'poser tant d' questions... reste ch' traiteur Ducrocq, un dépot d' pains pi la pharmacie

l' arrivée des super et hypermarchés, cha a tué grinmint de tchiots commerces .........

les habitutes d achat ont cangées, in a presque tous eune carette, in va faire les courses souvint en famile, eune bonne fois pour toute une fo par semaine

pi la société de consommation ale est passée par là ...

dernier point, y a djà queques zannées, j avo m' file ale savo pas ce que ch' éto eune "boucherie", in a trouvé par ichi un vrai magasin comme dans l' temps

savez , in dit c' qu on veut et ch' boucher i va querre l' morciau d'viante dans les chambes froites d' derriere, i arvient avec un morceau, qui découpe en tournant l' dos à ché clients , pi aprés i met l' morciau dins zin papier et i va l' peser

en arsortant m' file ale a dit " ch est nul" ...

autre temps , autres moeurs ............

El commerce des Vins et spritueux ché Monsieur Hermetz qui l'teno. Esse fille Michèle, al a préféré travailler au Crédit Mutuel de Bruay à partir de fin 1968, al y a fait toute esse carrière et i m sempe qu'al a pris esse retraite i a 4 ou 5 ans.
Ché un peu flou din m'mémoire mais j'cros qui z'avotent un dépôt din l'rue d'Anzin pour ringer leur stock i' a longtemps passe que in 1980 ch'magasin i éto déjà fermé.

El siège du Cid Unati j'min rappelle pas : j'l'ai toudis connu derrière el boucherie Ducrocq, vu que ché Daniel Ducrocq qui éto el meneur.
Euroferm s'éto installé din l'ancienne coop et cha a fermé in 2007. J'cros qu'avant Euroferm i avo eu aussi un garagiste qui avo tenu el place là.
Din l'abandon du côté commercial, in peut aussi souligner que l'Docteur Isart i a pris s'retraite i a quequ'mos et il a pas été rimplaché.

la permanence du cid unati, as trouvo pas loin du café vanvimeersch, j' m in souviens bien pasque ché farnietes ale zétotent arcouvertes d'tracts à l éffigie de Gérard Nicoud

et chéto l' fils à Omer qui s in occupo si j' me souviens bien

j a oublié aussi d' rappeler que la framacie ale éto tenue par mr Bonnier, qui avo un visache d' poupins avec des joues bin rouches, et bin sur son employé Roland, Roland qui avo eune gampe raite
et Roland y avo eune mason dans la rue qui est juste aprés du qui yavo ch' boulodrome

L'boucherie DUCOCQ chéto bien el siège du CIDUNATI. Y'avot toutes ché coupures ed presse à l'fenête avec Gérard NICOUD. l'garache qui'yéto à côté d'la Coop chéto l''garage VERDIER ché li qui faijot les premières toyota et y faijo Lada.
Fallot faire gaffe quand in sorto d'sin garache passe que y'avot un poteau EDF juste à l'intrée qui génot el sortie.
Et l'majon à coté d'ché Picard Surgelés chéto un pressing. Et pis surtout, bons chéto pas d'in l'rue là mais un peu plus loin, y'avo el premier LEROY Merlin, à l'origine un stoc Américain