le petit prince de saint exupéry
par minloute le, 27/11/2012me parlez pas d' chte liffe là, pour vous dire, le seul ptit prince que ja ker ché chti de Lu.....
j a un souv'nir "cuisant" du p'tit prince ....
chéto avec l école, in avo été vire un spectaque , comme eune piece d' théate, chéto l' arprésentation du petit prince
vous dire du que chéto, am'mote, j diro que chéto à la salle des fetes d' bruay
djà que cha m inchinto pas d y aller, j auro du m'méfier ....
mi j devo avoir eune dizaine d années ,cha devo et' m'derniere année à l' école Loubet
savez in éto à un ache, du qu in préféro aller vire un flime, ou cor miu des zarportaches flimés d' explorateurs comme in avo un coup des gins d' la famille Mahuzier, j' dis cha pour les plus anciens, que chte famile là ale éto connue dans les années 50 60
nan, là chéto comme eune pieche d' théatre.....
j a dis "chéto comme" pasque ché vrai in n avo vu quequ' zunes d' pieces d' théate, in avo dro souvint à du Moyère.......
in éto habitué quand qui yavo plusieurs personnaches, et là , yavo qu un acteur .... et y avo des diapositiffes qui passotent en fond d écran, et in voyo l image projetée du petit prince
del vire s' extasier comme cha in ravisant l' image du petit prince, in s'demindo si yavo pas ch' mape, ou si i décarocho pas un tchiot peu
pi savez, ché toudis dins ché cas là , qu in fait eune erreur, tiens mi , dem' placher à coté d un camarate que chéto eune vraie amusette avec in plus des talents cachés d' ventriloque
mi j a toudis été bon public, et bin sur , à un momint du que j avo manifester trop fort m' n' hilarité, j a pris eune bargnouffe par derriere, que mes zorelles ale zin ont cauffé un bon momint ...
chéto not' cher directeur d' loubet qui m avo pas loupé ......
y a resté un bon momint derniere nouzautes, j in a meme arpris eune, bin ouais j' voulo vire si yéto cor là derriere .......
en rintrant j a eu dro à des lignes à faire, chéto du ginre " je do pas perturber la représentation d' la piece d' théatre" j' sais pu combien d' coups, et in plus signé par ché parints
pi là , voyez ché dur à s'définte, à part dire, "ché untel qui m a fait rigoler" , cha tient pas .....
j a eu dro à eune "bonne baffe" comme dijo min père
alors là j' m a dit, ti ch' pitit prince, té peut et' sur que j' t' oublierai pas, la preuffe .... j l a jamais arlu , et j' sais que jel ferai jamais