Méneux ed bos

ej' dévale comme d'habitude au puits un chimint, et m'in va comme hier à min boulot, j'arrif al tête motrice pour em desbotter, mais y avo quelqu'un qui éto déjà là...
ej' m'arva à l'intrée, et j'attind el porion Bussod, et j'explique...

à ouais ché vrai qu'im' dit, janeck y est arvénu.. ché rien té va aller avec ché méneux ed bos, car el boisasch' à front y est artard, et i manque du bo..
j'em mets in maillot ed corps, el gars im' dit tet'mets avec ech' guss', y va et' faire vir commint qu'in fait...

Ech'Guss y print el bill' ed 3m00 d'un côté, j'in fais autant , au bout ed trois inl' met à l'épaule im dit... un, deux ,trois, vindious que ché lourd..
j'arrif al mett' quand même, et nous vla parti dinl' voué ed base, jusqu'au traçach', et là in passe aud'ssus du tapis et on porte cha à front, el bill al a pas attindu longtemps, inlevé tout ed suite...

El porion y avo mis du renfort au début ed poste pour el transport des bos, après on s'a artrouvé qu'à deux pour finir el poste..

Au bout del 3ième transport j'avo mo am' épaule, comme j'éto pas cras, ech' bo iarposo sur mes oches... après avec un morciau ed toile ed jute, j'avo confectionné un coussinet, qui véno intre em' épaule et ech' bo, là cha allo miu, mais chétot quand même crevant, vu el poids ed ché bo..

J'en quand même eu en' querque jusque fin ed poste... al armonte j'armets comme d'hab' em lampe, in criant min N°. el fill am' donne em' taillette avec un billet....
La semaine prochaine vous présenter au Centre d'apprentissage Grossemy côté rue Grossemy, et voir le chef moniteur.....

Bon, dinl' journée ech' deminde quoi à min père, qu'im dit normalmint t'éro du y aller avant, mais y avo déjà assez ed monde....
j'ai terminé em' fin ed semaine au transport ed bos, chéto bin dur, et j'avo compris em douleur... heureusemint y a diminche pour s'arposer, et in verra cha el semaine prochaine au Centre d'apprentissage commint equ' cha ess passera.....

A.D. mes gins et Bonne fin ed semaine à tertous...

un résumé d'in journée d'traval au fond comme galibot , et ché vrai qu'chétot dur pour des tiots mécarlots comme in étot ach't'ache la
in tiote bilette ed' 3 mètes chétot bin lourd , el pire ech'cros ch'étos chés bos d'fer et surtout chés cates T H et surtout chés couronnes, un d'vant un derrière , tous chés 4 dogts in l'arposo ch'te couronne , j'voudros pouvoir décrire cha , j'vas faire un dessin , cha s'ra suremint plus compréhinsipe

pour el blanchissemint d'chés bowettes , j'l'ai jamais fait mais y m'sempe qu'chétot modernisé quand ch'su arrivé , cha devot ête in lance avec un compresseur