Noé in Ch'ti 2012

Verdi 14 déchimbe à 18H30, à l'églisse ed st Pierre st Paul à Lille ( quartier Wazemmes) i'ara el Noé in Ch'ti organisé pa Mme Nelly Lefebvre , Persidinte ed l'association "les Grandes Bouques".

Persinté pa Pierre Delannoy (Pas de Calais) assisté pa ses comarates Jean Louis Tétart (Picardie), Mario Dario (Nord), i'ra :

A) Du Cant :
Christian Ladoé (eine saprée vox !) , Le Caveau Lillois ( ed joïeux compères !) , Jean Claude Vanfleteren et ses jolites Camanettes (4 à 5 files aux belles loques et bellés vox) , Pierre Delannoy (l'écriveu- compositeu) et s'belle chorale Re- Naissance , Simon Colliez l'canteu bin connu et l'abbé Fournier , l'curé de l'église qui arlève el défi et qui s'y met !!

B) Du biau conte et belle poésie :
Annie Bacouet ed Valinciennes , Claudine Damie el liloisse, Mario Dario l'humorise Rital ,l'conteu Pierre Tanguy , l'diseu Christian Bastien qui va dusqu'à paris présinter ses espectaques, el poétique duo d'clowns Jacques et Criquette dé l'Companie "Reste ici" ( à vir si i'pass'te din vo villaches), l'humorise picard (St Quentin) Jean Louis Tétart et s'marionnette ed diape Lafleur et à l'fin l'homme d'radio bin connu d'tertous, José Ambre

Fot ramintuver (rappeler)qué l'Noé in Ch'ti i'a été invinté pa l'argretté Robert Lefebvre, jornalise ed FR3 et Vox du Nord in 1993. Ch'tot l'preume fos qué l'patois (l'picard ou l'Ch'ti comme in dit chez nous) i rintrot dins eine églisse. Dpu in a copié l'idée et achteur i'a bocop ed Noé in Ch'ti , sovint in forme ed messe, bonne affaire pou faire arconnaîte not' lanque régionale. Tiote parinthèsse c'est Robert qui a lancé Raoul de Godeswarsvelde (rectifiez si ch'est mau écrit !)

L'Noé in Ch'ti ch'est eine veillée toute simpe faite pa des gins simpes, sins préchi-précha, dus qu'in pale d'humanité, fraternité, tolérince, partache et pour d'autes auteurs, del belle histoère dé l'Nativité .
In veut qué l'public i passe eine bonne sorée et déhutte (sorte) ed l'églisse bin bénache ....

Un tiot live édité pa Emmanuel Lefebvre , (l'garchon ed Robert) dus sont écrit les histoères et cants dé l'veillée i s'ra vindu au profit d'eine oeuve ed carité, les Tiots Frères des Pauves.
Toute l'équipe ed Noé in Ch'ti vous souhaite ed passer un Joyeux Noé fraternel !

Tiot Rital