l'belote

cha chétot ed' z'habitutes al mason comme din grammint d'autes j'pinse , du plus loin qu'j'em'rappelle, yavot in tape ed' belote al mason, pas tous les jours bin sur, heureusemint pour em'mère qu'yavot trop d'boulot pour supporter cha souvint

chés 4 jueux chetot min père, des oncs, cousins, après min frère et mi bin sur et mes bieaux frères, plus tard

et cha m'rappelle in fos in rintrant d'l'école, "j'l'ai d'ja dit ch'cros" j'intinds "capote" et mi qui répond in allant mette em'carnasse din sin coin , "inglaise" , ya eu in grand silence , ché d'ailleurs cha qui ma surpris l'plus , j'ai lévé m'tiête et j'ai vu qu'tertous y m'ravisotent , pourquo ? bin j'l'ai su qu'bin plus tard , j'avos bin sur pas eu d'esplications

ya in cosse qui faut bin armarquer al tape, ché qu'chacun ya sin paquet ed'toubac ou d'cigarettes, j'vos pas pourquo qu'ech'précisse, ché bin visipe , yavot toudis 2 cendriers d'su l'tape , pi jamais d'alcool , ou seulemint in tiote bistoul , pas d'plus , j'ai cor ech'l'odeur din min nez

par conte el'cafetière al étot toudis d'su ch'fu et ch'tot pas du café "d'belle mère" nan du café al cauchette , pas arbouilli , ou du "tortoza , café trop fort" comme al dijot em'mère
et pi des fos yavot chés raviseux , mais fallot pas qui seuch'tent conseilleux, y ch'faijotent bin vite rabrouer

bin souvint in juot pour un tiercé , chés perdants y payotent , tout l'monte yétot contint , jamais in a eu un problême , et bin sur in arcomminchot l'semaine d’après , in arprenot s'n'arvinche
toudis din l'funquère ed'toubac , et ché bizarre j'em' rappelle pas avoir ach't'époque sinti l'funquère ed'toubac , yé vrai qu'ed'pu l'temps qu'j'ai arreté j'ai grammint plus d'odorat qu'avant

ci-joint les photos ed l'l'époque

J'ai ça en horreur !!!
Je me souviens exactement comme si c'était hier
On habitait à l'époque devant les bâtiments de la chaufferie de la fosse 5 de LIBERCOURT
C'était une soirée d'hiver, j'avais 5 ans!!!

Dans la "grande pièce" une table avec mes frères et deux de leurs voisins (l'un s'appelait joseph l'autre bruno)
Sur la cuisinière (un monstre!!!!! que j'ai d'ailleurs jamais revu ailleurs), on était à 6 à la maison), sur la plaque une marmite qui servait pour le café des boutlots.
A terre une paire de chaussure à clous que mon frère avait enlevé de ses pieds! pour je ne sais quelle raison

Ils jouaient "pour des prunes" comme ont dit mais il y avait une sous-tasse dans laquelle ils mettaient des pièces trouées ou des cinq francs en alu comme à l'époque.
contre le mur il y avait un banc (comme à l'église), je grimpe sur le banc et dans le boucan des "ch'tas mis, j'ai mis l'as de trefle !!!!) et dans ce tintamarre ma main de gosse s'avance et je prends une pièce!!!!

Ca a duré 20 secondes!!! mon frère a pris une godasse à clous et l'a jeté sur ma tête , en rage!!!!
je suis resté ko plus de 10 mn comme on me l'a expliqué plus tard !!! mais c'était la vie!!! on est pas allé chercher un doc pour une bricole!!!!!
j'ais encore la cicatrice au dessus du sourcil droit.
J'ai 66 ans, je n'ai jamais pris une carte à jouer dans les mains!!! même à l'armée!!

din m'famille chéto des inragés et ché femmes i juotent aussi. Chéto un rituel 2 coups par semaine ; el gros del famille elle resto au n°3 rue d'marles et environ et mes parints chéto au n°4.
I avo donc du "déplach'mint" comme au foot-ball. D'ailleurs, cha crio cor plus fort qu'au foot-ball quand inne a un ou une qui avo un bio jeu et qu'il abatto ses cartes, avec des commentaires dignes de l'télévision : " ech coupe,...valet...as.. et pi ch"dix et pi cor un as maitre...in va les avoir i sont faits etc etc"
j'étos mort ed rire à vire leur mimiques. El pire, chéto des tricheurs pas possible... Un coup emme oncque Marcel, l'air péremptoire i dit "j'coupe, et il ajoute et pi j'narjue!!" El pire chéto vrai et il l'avot pas fait exprès...
Tout un programme de notre région.

nous in étot huit frères et soeurs , plus après chés bieaux et bielles , cha faijot du monte al mason , et tous mes bieaux frères y juotent al belote
à part j'coupe et j'n'arju , bin souvint chetot pour rigoler , ou dix de der , ou belote et re , yavot jamais un cri , in étot trop concentré pour cha , et ché vrai qu'in étot très sérieux même si in juot au point , et comme ech'l'ai dit chés perdants y payotent ech'tiercé , ché tout , jamais un sou même troé d'su l'tape
ya même des fos yavot 2 tapes in même
temps , et in a continué longtemps , sans un seul anicroche

ach'teur ech'ju pu , sauf avec ch'te machine ed' vant mi , in intind pu rin ché d'un triste , et in plus y font des conneries plus grosses ecqu'mi , pourtant j'su loin d'ête concentré , j'su plutot dé cons centrés
à l'armée in arvénant d'opération, in avot des fos in journée d'repos , in juot au tarot , j'dos avoir in photo , j'vas cacher après