mardi gras

l' mardi gras, j in a d' bons souvenirs, mi qui su né en 1960, j a eu la chance d' connaite l' aven'mint du juet en plastique

oh j' in vo djà dire que rin n' vaut l' juet in bo, mais faut avouer que rin qu avec l' plastique in a pu déchinte ché prix des juets, pi cha a permis rin que pour mardi gras, d' developper l' commerce des masques d' mardi gras

in allo l acater à mon chez Defernez rue anatole france, ché masques i zétotent accrochés les zuns aux zautes un peu comme ché saucissons a l' ail à mon d' chez Omer ch' boucher ...

par conte, savez quand qu in est tchiot in a toudis des reffes qui sont jamais réalisés ou contrariés ....

mi j auro voulu avoir un masque d' sorcière, savez avec ch' nez crochu pi l' verrue d'sur, bin nan, m'mère ale a pas voulu

pi yavo pas tant d' choix qu' cha, pour ché garchons chéto l' masque d' zorro, ou un masque d indien, j a eu un masque d'zorro un peu plus tard

par conte sul' photo, n ayez pas peur, ch est mi derriere ch' masque d' nain d' blanche neiche, chéto en avril 1965 , photo prisse dins ch' gardin ...

faut dire aussi qu in gardo pas ch' masque longtimps sur nouzautes, pasque cha sinto fort l' plastique, pi dés qu in voulo courrir avec, ché trous i zétotent pu in face des zeules ....

pi à courir comme cha on transpiro vite grinmint

bin te vos minloute mi mardi gras cha m'rappelle ch't'écalette , qu'chés jones y z'avotent pour passer din chés masons et avoir e'd'zoués pour chés crêpes , j'in parlos cor avec mes tiots infants l'semaine passée, ché longtemps après qu'j'ai su qui ché qui faijot cha
chétot pas la peine d'ête mucher derrière tin masque , in t'aros pas arconnu , j'su matinal aujourd'hui , ché suremint pour cha qui pleut INCORE