le grenier pi rimballache fin

j' arviens au début dem' reflexion, quand qui yavo ch' début des vaquances, in allo installer ch' sapin d' noel pi aussi l' crèche
en fait ché comme chi in metto tous les zatouts d' not' coté pour que ch' père noel y oublie pas d'passer à no mason

la décoration du sapin et la crèche , chéto des momints merveilleux

in éto qu au début d eune longue périote d' festivités,d' vacances du qu in auro à la clé, pas mal d' cadeaux .....

donc pour décorer ch' sapin, fallo aller au grenier querre ché paniers et ché cartons du que m'mère ale avo mis ché guirlantes et ché boules

mi au départ, j' devo rester in bas au rez de chaussée, mais j' monto quand meme à l étache pour que m'mère am' donne un des paniers pour que j' el déchinte in bas

y a des coups ale éto d accord, en fait cha dépindo d' la taille du carton, am' donno , et ale avo raison , ché tchiots cartons, non pas forchémint pour eune question d' forche, mais j' do avouer que j avo deux mains gauches , et l espécialiste du " j' l a pas fait expres".......

eune fo tous ché cartons mis sul' tape in bas, chéto l' momint du qu in metto ché boules , tout cha sous la houlette d'em mère
par conte, ché guirlantes chéto pas à mi d'les mette vu que parait il, mais savez j' min souviens pu, i parait que j arrivo à faire des noeux dins ché guirlantes .......

enfin ch est c' qu on dit ...

eune fos ch' sapin installé, et couvert d' décorations, in "s attaquo" à l installation d la crèche ...

asteure , la nouvelle année ale est passée, et m' mère ale armonte là haut pour arquerre ché boites vides pour rimballer ché décorations ...

là comme dijo m' mère , y a moins d' monte pour donner un coup d' main ..........

faut dire aussi qu y a pas plus symbolique que d' artirer ché décorations .... pour vous foute ch' moral en l air

d' ailleurs ch' matin, quand que grand mère ale est partie ram'ner ché boites vides pour ranger ch' sapin , bin ale a fait l' meme reflexion, autant quand qui fallo l installer cha s' bousculo au portillon ...

autant ch' matin ale s a artrouvée toute seule pour l' ringer ....