in f'ra pas pas parel l année prochaine
par minloute le, 02/01/2013in f'ra pas parel l 'année prochaine qu ale dijo m'mère ...
ouais, in comminchera ché révisions bin avant, à croire qu' avec la noel t as tout oublié ....
va réviser, tel' sait pas .............
tel' conno pas cor bien t' récitation, t arrete pas d ahaner ...
ah , ché facile d' juer, mais quand qui faut apprinte .....
mais quo qu'té va faire plus tard ...............
si cha continue , té s'ra privé d' jouets tant qu' té saura pas tes l'çons......
j a oublié d'vous parler des longs soupirs dem' mère qui ponctuo ces phrases
min père, li qui éto en train d' lire sin journal à sin bureau dins l' pieche d' devant , li y éto plus radical ......
odette, t imbete pas , qui arprenne ses d'voirs et qui viennent t' vire quand qu il' le saura, mais y a interet à pas trop trainer ...
j' allo dire pour m' définte que du momint qu in avo été en vagances, in avo busié et vécu que pour la noel et ché cadeaux
cha vous f'ra ptete sourire, mais in avo dro à des programmes pour ché jeunes durant toute l'semaine chaque aprés midi
bon j' sais qu asteure y a j' sais pu combien d' chaines consacrées qu à ché jones ...
bon j' sais aussi que cha parait plus que normal que ché programmes télé i soient du soir au matin , du matin au soir, et meme qui a des programmes IN CONTINU, de midi à minuit environ ...
in plus in avo dro à l aprés midi al' télé à des séries espécialmint faites pour nouzautes, j' me souviens qui yavo eune série italienne qui relato la vie de pinnochio .....
l' soir in plus , parel yavo pas 150 chaines comme asteure, i n avo 2 pi 3 au total
alors in raviso souvint l' meme chosse, j' me souviens qu eune année in pouvo suive jusqu à l' avant veile d' noel, chaque soir eune série qui retraço le live de jules vernes, "l ile mystérieuse"
alors que voulez vous, mi j a toudis été poète, in tout cas plus attiré par les exploits et les aventures de cyrius smith, d' sin valet nab, d' harbert, de pencroff et de gédéon spilett (j avo ker ch' nom là) face au capitaine némo, que d'devoir m attaquer à ché zexcercices numéro 1, 3 , 5 , 7 , 8 des pages 104, 106 et 108 du fameux Bled
ah ch' fameux Bled....exercices d' orthographes et d' grammaire remplies d' pieges et d' chausses trappes , confectionnés pour mr Bled que j imagino meme si j' savo pas commint l exprimer, mais pour mi chéto un sacré pervers d' avoir conçu un tel liffe rin que pour faire trébucher ché zéleffes
dur dur, l' premier jur, quand qui fallo aller arsaquer d'derriere l' porte d' devant ch' cartape qui avo passé ché fetes d' noel sans un r'gard , surtout pas un r'gard ... cha m auro artourné min vinte
nan nan pour mi avant la noel chéto que pour s amuser, mais ch'est sur que quand j' devo arprinte l' poignée del' cartape, mon diu que ch' sac i m' simblo lourd ...
à croire qui porto toutes les misères du monte ....