suite del maladie fin
par minloute le, 04/01/2013min père aprés i soufflo dans l' pipette pour tout faire déchinte
d'ailleurs pour m' faire rigoler i entonno l' début del canchon qui canto toudis mon mononque " mon frere était vétérinaire ...."
connaissez pas ?
allez j' vous la mets ichi "mon frère était vétérinaire, vétérinaire des ch'vaux ...
avec un petit tube en verre, i soufflait dans l' derriere des ch'vaux....
un jour, un ch'val récalcitrant , souffla avant mon frère
qui avala le petit tube en verre, et mourut sur le champ ahhhhhhhhhhhhhhhhhh"
mi cha m' faijo pas rigoler, pasque d abord j avo peur pour min père, j' l avo djà vu s enerver à casser ché pipettes
cha avo comminché par " léonce j arriffe pas ouvrer ché pipettes"
alors min père i arvéno dins l' cuisine, i prenno l' pipette d eune main, et l' scie d' l aute, et j' me souviens qui s éto coupé 2 coups un coup qui a voulu scier l' pipette avec l' tchiote lame ...
un aute coup , y a voulu l' couper directemint in l' claquant inter ses dogts
les deux fos in a eu dro à un "meeeeeeeeerte " qui a ameuté tout ch' quartier, sans oublier que m' mère ale a du aller querre l' boite à framacie, mette du merchurochrome , et faire un pans'mint
pendant ch' temps là in s occupo pas d' mi
mais l' plus souvint min père i arrivo à claquer ché zampoules, et l' plus dur aprés chéto pour mi l'boire
in éto loin d' asteure du que ché médicamints à boire , j' diro in pourro presque in printe l aprés midi à l' ombe quand qui fait caud, cha sint l' fraisse , l' orange, voir la menthe , enfin tout c' qui sint bon
d' not' temps chéto du ginre, "si ch' médicamint y est pas bon à avaler , ché qui va faire effet" ...
in éto djà au diapason , quand qu in devo boire d' l huile de foie d' morue
mais arvenons al' pipette, m'mère ale rajoutto souvint un tchiot peu d' chuque en poude, qu ale délayo avec eune cuillere
à mi d' boire cha d un coup
nan t as laissé l' moitié au fond du verre
j' t armets un tchiot peu d io
ah la la, avec tous ché médicamints là si mauvais à avaler , in éto sur d' guérir rapid'mint ..........
mi c'que j' préféro chéto ché zinalations, alors là, chéto m' mère quale faijo cauffer l io
ensuite am'rameno l' inalateur d'vant mi en ayant mis juste avant d' dins l' contenu d eune pipette
am' dijo cor d' faire attintion d' pas d' rinverser, cha j y avo dro dix fos à chte recommandation
aprés am' metto eune serviette sul' tiete, et là j' resto in d'sous, savez comme chi chéto un mini sauna ...
ah ché sur que cha dégageo bin les nasiaux et l' gorche, meme que, mi au bout d un momint j in profito pour , escusez me mes gins mais lisez pas la suite si vous v'nez juste d' minger ou qu allez passer à tape ...
j in profito pour cracher d' sacrés glaviots dins l inalateur, in faijo un bruit que meme ch' tchien qui éto dins l' pieche i avo peur
en fait j imito , et j' dis cha sans moquerie aucune, l'bruit qui faijo monsieur lefrançois, un monsieur qui habito dins l' rue leverrier, fortemint silicosé ,qui devo s arreter tous les chinq metes quand qui parto faire ses courses
et chaque arret éto ponctué par un raclemint des poumons qui veno du fin fond d' li meme
mais imiter ché bien, et j éto fort, mais m'mère ale avo pas ker du tout, j' em faijo ingueuler j' vous dis pas
suffiso qu' min père i so dins l' pieche d' devant, meme sous m' serviette , j l intindo crier ....
mais qu on s ' méprenne pas, meme si chéto pas agréape d'et' malate, in avo aussi l' sentimint d' partager des momints "in plus" avec nos parints
pi connaissez quéqu un qui a pas querre et' dorloté ?
( 2 photos)