l' louchet

ché tro otieux qu in utilijo l' plus au gardin , chéto l' louchet, l' grauet et l' binette ou serfouette

yavo aussi ch'ratiau diront certains, qu' min père i m' dijo toudis si té tin sert té l armet tout d'suite en place ou alors tél met avec ché dins tins l' terre

ché vrai que ché traite un ratiau avec les dints in l air , qu' té marche d' sur et là ch est tes dints à ti qui trinquent ...

ch' grauet chéto un sacré otieu à utiliser, chéto efficace et lourd aussi faut l' arconnaite

mais min père li i préféro l' louchet, l'louchet chéto l ' otieu par excellence

j' me souviens d' min père étant in train d' fuir au gardin, pas facile pour li , avec s' gampe raide d' sin servir, mais pas question pour li d acater ché beches articulées qui facilitotent ch' traval


d' abord min père i dijo pas fuir, ni bécher, nan i dijo préparer
odette d'main j' va préparer ch' gardin ...

ch' éto pas facile à faire pour li mais chéto et ch'est sans exagération comme eune communion entre li et sin gardin

j a djà assisté à cha, mi sul' coté en restant su ché demi briques d' beugin 3x11x22 , d' couleur beige clair qui servotent à faire ch' quemin dins l' gardin ...

par momint min père i soufflo, mais souvint d' aise, i m' dijo " in la sint la terre, cha sint bon, ale est grasse", et quand qui voyo des vers d' terre y éto tout contint

"ravisse ché signe que l' terre ale est bonne "

i faijo sin gardin à sin rythme pas tout d un coup, avec s' forche

i rintro l' midi qui en n avo plein les bottes

in avo dro à "et pi j a qu' eune gampe" ....

mais y éto aussi admiratifs d' certains vigins, comme Mr Brongniart, un ancien mineur, quéqu un d' costaud, qui faijo sin gardin , plus ché gardins des vieles personnes qui avotent te pu la forche del faire

d' ailleurs comme i dijo , i faijo ché gardins et i rintro ch' carbon à ché gins là , à eune vitesse Odette té verro cha, qui dijo admiratif

i avo ker l' traval bin fait, pi si en plus chéto fait rapid'mint chéto que du plus

sin louchet j in a connu qu un, à la fin, in voyo que l'lame ale avo grinmint servi, ale éto meme plus usé d un coté, pi meme sans cha, ale éto quand meme plus courte qu un louchet neuf

y a un momint du qui a pu eu la forche d' fuir sin gardin, et d' s in occuper comme si chéto un potager

alors y a continué eune paire d années mais en y mettant des fleurs, mais attintion pas grinmint d' vivaces, des zannuelles...

avec l' plaiji d arpiquer, d' planter, et d'vire pousser ché fleurs

t as vu Odette, j a mis des gaillardes .......... suffit que j vo ch' nom là dans les jardineries quand que j y fait un tour au printemps qu à chaque coup j' m arvos au bord du gardin à bruay les berdoules ....

ché vrai qu'yavot des louchets qu'yavotent du service , et chetot pas dure à vir , y etotent bin raccourchi , in longueur et in largeur
pour qui passe bin l'hiver min louchet in m'avot donné in bonne idée
un séeau , rimpli d'sape , et mélangé avec d'el l'hui
faire comme ché viux chetot miux , après ch'dernier service bin nettier et mette un tiot peu d'graisse et à l'abri , y restot impeccape
j'ai vu in fos un louchet moins larche et plus long , j'in vos pas l'utilité

et pi yavot ch'4 dints qui rimplachot ch'louchet quand el tierre al étot grasse au moins avec cha cha collot pas , avant l'hiver in fuijot à grosse pallée , sans casser chés mottes et un laichot ch'terrain tel que
alors qu'ach'printemps chés mottes y etotent cassées et après chetot ratissé , un vrai billard , après yavot pu qu'à

ya aussi un otieu qu'em'femme al m'avot acaté , et qu'ech'm'ai jamais servi , ché un fainéant qu'in appelle cha , ché un doupe soc ed'charrue , "in plus tiot bin sur" , avec un manche , mais y faut ête sacremint costaud pour el sacquer

m'grand mère al'm'a raconté : quand min grand père la demindé in mariage el père de m'grand mère ya donné un louchet tout rouillé et il y a dit
quand té m'raméneras ch'louchet brillant j'te t'donnerai m'file .
et ché c'qui sé passé .

j'pinse souvint à t'histoire quand j'vo des charrues d'labour toute rouillées , et après les avoir remis in service à l'automne redev'nir brillante .

cha théo , ché l'histoire d'ech'laboureur et d'ses infants , et cha dit bin c'que cha veut dire